Naveen Polishetty: నవీన్ పోలిశెట్టి అన్ని సినిమాలు రిజెక్ట్ చేశారా..?

April 16, 2021 / 03:54 PM ISTByFilmy Focus

Join Us

Naveen Polishetty: నవీన్ పోలిశెట్టి అన్ని సినిమాలు రిజెక్ట్ చేశారా..?

ఏజెంట్ సాయి శ్రీనివాస ఆత్రేయ, జాతిరత్నాలు సినిమాలతో హీరోగా తనకంటూ మంచి గుర్తింపును తెచ్చుకోవడంతో పాటు నవీన్ పోలిశెట్టి మార్కెట్ ను పెంచుకున్నారు. బ్యాక్ గ్రౌండ్ లేకుండా తనకంటూ గుర్తింపును సొంతం చేసుకున్న నవీన్ పోలిశెట్టికి భారీగా ఆఫర్లు వస్తున్నాయి. కొంతమంది నిర్మాతలు నవీన్ పోలిశెట్టికి రికార్డు స్థాయిలో రెమ్యునరేషన్ ఇస్తామని ఆఫర్ చేస్తున్నా నవీన్ మాత్రం కథ నచ్చకపోతే సినిమాలను రిజెక్ట్ చేస్తున్నారని తెలుస్తోంది. నవీన్ పోలిశెట్టి ఇప్పటివరకు ఏకంగా 20కు పైగా సినిమా కథలను రిజెక్ట్ చేశారని తెలుస్తోంది. టాలీవుడ్ స్టార్ ప్రొడ్యూసర్ ఒకరు,

టాలీవుడ్ స్టార్ హీరో ఒకరు తమ బ్యానర్ లో నటించాలని నవీన్ పోలిశెట్టికి ఆఫర్లు ఇచ్చారని నవీన్ మాత్రం ఆచుతూచి సినిమాలను ఎంచుకుంటున్నారని తెలుస్తోంది. స్క్రిప్ట్ పర్ఫెక్ట్ గా ఉంటే మాత్రమే ఓకే చెప్పాలని నవీన్ పోలిశెట్టి భావిస్తున్నారని సమాచారం. ప్రస్తుతం నవీన్ పోలిశెట్టి స్టార్ హీరోయిన్ అనుష్కతో ఒక సినిమాలో నటిస్తున్నారు. ఈ సినిమాలో నవీన్ పోలిశెట్టి 20 ఏళ్ల యువకుడిగా, అనుష్క 40 ఏళ్ల వయస్సు ఉన్న మహిళ పాత్రలో నటిస్తున్నారు.

నవీన్ అనుష్కతో ప్రేమలో పడతారని ఈ సినిమా కథ, కథనం ప్రేక్షకుల ఊహలకు భిన్నంగా ఉంటాయని తెలుస్తోంది. రారా కృష్ణయ్య ఫేమ్ మహేష్ ఈ సినిమాకు దర్శకత్వం వహిస్తున్నారు. నవీన్ పోలిశెట్టి డబ్బుకు ఆశపడకుండా తనకు గుర్తింపు తెచ్చిపెట్టే పాత్రలనే ఎంపిక చేసుకుంటూ ఉండటంపై అతని ఫ్యాన్స్ హర్షం వ్యక్తం చేస్తున్నారు.