Nayanthara: కొత్త వాచీతో మెరిసిపోతున్న నయనతార.. ధర తెలిస్తే షాకే!

సినిమా జనాలకు వాచీలు అంటే ఏదో ఫాంటసీ ఉంటుంది. ఖరీదైన వాచీలు పెట్టుకుని మురిసిపోతుంటారు. వాటి ధరలు తెలిశాక అభిమానులు, ప్రేక్షకులు నోళ్లు వెళ్లబెట్టేస్తుంటారు. మొన్నీ మధ్య ఓ సినిమా ఫంక్షన్‌కు వచ్చిన తారక్‌ చేతి వాచీ ధర తెలిసి జనాలు షాక్‌ అయ్యారు. ఇప్పుడు ఆ షాక్‌ అవ్వడం నయనతార ఫ్యాన్స్‌కి జరిగింది. ఎందుకంటే ఆమె చేతికి పెట్టుకున్న రిస్ట్‌ వాచీ ధర అంత ఉంది మరి. ఆ రేటు తెలిశాక షాక్‌ అవ్వడం పక్కన పెడితే.. ‘సూపర్‌స్టార్‌ హీరోయిన్‌ ఫర్‌ ఏ రీజన్‌’ అంటూ ఆమె ఫ్యాన్స్‌ మురిసిపోతున్నారు.

నయనతార (Nayanthara) ఇప్పుడు ఫుల్ జోష్ మీదుంది. తమిళంలోనే కాకుండా హిందీకి వెళ్లి మరీ బ్లాక్‌బస్టర్‌ విజయం అందుకుని వచ్చింది మరి. సినిమాలు చేస్తూనే వ్యాపార రంగంలోనూ అడుగుపెట్టింది. దీంతో ప్రైవేట్ జెట్ విమానాల నుండి ఖరీదైన బంగ్లాలు, కార్లు కొనుగోలు చేస్తూ రిచ్ లేడీగా మారిపోయింది. తమిళ కొత్త సంవత్సరం వేడుకలను భర్త విఘ్నేష్ శివన్ (Vignesh Shivan) పిల్లలు ఉయిర్, ఉలగంతో కలసి నయనతార జరుపుకుంది. ఈ క్రమంలో ఆమె చేతికి ఉన్న వాచీ మీద అందరి దృష్టి పడింది.

నిజానికా ఆ ఫోటోలో లగ్జరీ వస్తువులు చాలానే ఉన్నాయి. దుస్తుల నుండి బ్యాగ్ వరకు అన్నీ విలాసవంతమైనవే. అయితే వాచీ చాలా స్పెషల్‌. ఎందుకంటే ఆమె ధరించిన వాచీ రోలెక్స్ ఆయిస్టర్ పర్మనెంట్ బ్రాండ్. లగజరీ వాచీలు అమ్మె వెబ్‌ సైట్‌ ప్రకారం నయనతార పెట్టుకున్న రోలెక్స్ వాచ్ ధర గరిష్ఠంగా 38 వేల డాలర్లు ఉంటుంది. అంటే మన కరెన్సీలో అర కోటి రూపాయలు పైమాటే. అయితే మోడల్‌ బట్టి ధరలో మార్పు ఉంటుంది.

ఇదే కాదు… నయనతారకు విఘ్నేష్ శివన్ కోట్ల విలువైన కారును బహుమతిగా ఇచ్చాడు. ఆమె పుట్టినరోజు సందర్భంగా రూ.2.7 కోట్ల విలువైన మెర్సిడెస్ మేబ్యాక్ కారు అందజేశాడు. ఇదంతా చూస్తుంటే స్టార్‌ హీరోల రేంజిలో నయనతార లైఫ్‌ జరుగుతోంది అని చెప్పొచ్చు.