విజయ్ సేతుపతి హీరోగా.. సమంత, నయనతార హీరోయిన్లుగా గతేడాది ఓ సినిమా మొదలైంది. అదే ‘కాతు వాకుల రెండు కాదల్’. ఈ సినిమాను నయనతార బాయ్ ఫ్రెండ్ విఘ్నేష్ శివన్ దర్శకత్వం వహిస్తుండగా.. నయన్ నిర్మాతగా వ్యవహరిస్తోంది. ఈ సినిమా అనౌన్స్మెంట్ వచ్చినప్పుడే సినిమాపై బజ్ ఓ రేంజ్ లో వచ్చింది. ట్రయాంగిల్ లవ్ స్టోరీ కావడం.. పైగా విజయ్, సామ్, నయన్ కలిసి నటిస్తోన్న సినిమా కావడంతో అంచనాలు పెరిగిపోయాయి.
గతేడాది సినిమా ప్రకటించిన తరువాత లాక్ డౌన్ వచ్చింది. ఈ ఏడాది హైదరాబాద్ లో షూటింగ్ చేశారు. నెల రోజుల పాటు షూటింగ్ జరిపిన తరువాత ఇప్పుడు మళ్లీ వాయిదా వేయాల్సిన పరిస్థితి. మరోపక్క విజయ్ సేతుపతి తమిళంలో వరుస సినిమాలు ఒప్పుకుంటున్నాడు. వీటితో పాటు బాలీవుడ్ లో కూడా సినిమాలు చేస్తున్నాడు. ప్రస్తుతం అతని డేట్స్ దొరకాలంటే కష్టం అవుతుంది. అందుకే ఈ సినిమాకు పక్కన పెట్టబోతున్నారనే వార్తలు కోలీవుడ్ లో జోరుగా వినిపిస్తున్నాయి.
కానీ దర్శకుడు విఘ్నేష్ మాత్రం అలాంటి ఆలోచన లేదని అంటున్నాడు. నిర్మాతగా నయన్ సొంత సినిమా కాబట్టి ఆగిపోయే ప్రసక్తే లేదని అంటున్నాడు. సినిమా ఆలస్యమవుతుందేమో కానీ ఆగిపోదని క్లారిటీ ఇచ్చాడు. ఈ సినిమాకి అనిరుధ్ రవిచందర్ సంగీతం అందిస్తున్నారు. ఈ సినిమాను తెలుగులో డబ్ చేసి విడుదల చేస్తారేమో చూడాలి!
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home