దక్షిణాది లేడీ సూపర్ స్టార్ గా గుర్తింపు తెచ్చుకున్న నయనతార వరుస సినిమాల్లో నటిస్తోంది. గతేడాది లాక్ డౌన్ సమయంలో ఆమె నటించిన ‘అమ్మోరు తల్లి’ సినిమా ప్రేక్షకుల ముందుకు వచ్చింది. థియేటర్లు మూతపడడంతో ఈ సినిమాను నేరుగా హాట్ స్టార్ లో విడుదల చేశారు. ఇప్పుడు నయనతార నటించిన మరో సినిమాను ఓటీటీలో విడుదల చేయడానికి ప్లాన్ చేస్తున్నారు. మిలింద్ రావు దర్శకత్వంలో నయన్ నటించిన ‘నెట్రికన్’ అనే సినిమా షూటింగ్ పూర్తి చేసుకొని విడుదలకు సిద్ధంగా ఉంది.
ఈ సినిమాను దక్కించుకోవడానికి హాట్ స్టార్ ప్రయత్నాలు మొదలుపెట్టింది. ప్రస్తుతం చర్చలు చివరి దశలో ఉన్నాయి. అన్నీ అనుకున్నట్లు జరిగితే జూలైలో ఈ సినిమాను స్ట్రీమింగ్ చేయాలనుకుంటున్నారు. ఈ సినిమాను నయన్ బాయ్ ఫ్రెండ్ విఘ్నేష్ శివన్ నిర్మించారు. ఆయనతో పాటు క్రాస్ పిక్చర్స్ సంస్థకు నిర్మాణంలో భాగస్వామ్యం తీసుకుంది. ఈ సినిమాకి హాట్ స్టార్ సంస్థ రూ.15 కోట్ల డీల్ ఆఫర్ చేసిందట. మరో వారం రోజుల్లో ఈ డీల్ పై క్లారిటీ రానుంది.
‘బ్లైండ్’ అనే కొరియన్ థ్రిల్లర్ ఆధారంగా ఈ సినిమాను తెరకెక్కించారు. ఇందులో నయన్ అందురాలిగా కనిపించనుంది. ఇటీవల ఈ సినిమాకి సంబంధించిన టీజర్ తో పాటు ఫస్ట్ సింగిల్ ను విడుదల చేసింది చిత్రబృందం. వీటికి ప్రేక్షకుల నుండి మంచి రెస్పాన్స్ రావడంతో సినిమాపై అంచనాలు పెరిగిపోయాయి.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home