నేను లోకల్ .. నాని టైటిల్ ఫిక్స్

హ్యాట్రిక్ విజయాలతో నాని దూసుకు పోతున్నారు. జెంటిల్ మాన్ తర్వాత సినిమాల ఎంపికలోనూ వేగాన్ని ప్రదర్శిస్తున్నారు. వరుసగా మూడు సినిమాలకు ఒకే చెప్పారు. “ఉయ్యాల జంపాల”తో దర్శకుడిగా ఎంట్రీ ఇచ్చిన విరించి వర్మ, “సినిమా చూపిస్తా మామ” తో హిట్ అందుకున్న డైరెక్టర్ త్రినాథరావు నక్కిన, ఊహలు గుసగుసలాడే చిత్రాన్ని తెరకెక్కించిన అవసరాల శ్రీనివాస్ లతో చిత్రాలు చేయడానికి అంగీకారం తెలిపారు.

మొదటగా విరించి వర్మ మూవీ సెట్స్ మీదకు వెళ్లనుంది. త్వరలో షూటింగ్ మొదలు కానున్న ఈ చిత్రానికి “మజ్ను” టైటిల్ ని ఖరారు చేశారు. రొమాంటిక్ లవ్ స్టోరీకి ఈ పేరు బాగా సూట్ అవుతుందని చిత్ర బృందం భావిస్తోంది. త్రినాథరావు దర్శకత్వంలో తెరకెక్కనున్న మూవీకి కూడా టైటిల్ ని ఫిక్స్ చేసినట్లు తెలిసింది. దిల్ రాజు నిర్మించనున్న ఈ సినిమాకి ‘నేను లోకల్’ అనే పేరును రిజిస్టర్ చేసినట్లు సమాచారం. నాని స్పీడ్ చూస్తుంటే శ్రీని దర్శకత్వంలో రానున్న సినిమా పేరు కూడా త్వరలోనే ప్రకటించేలా అనిపిస్తోంది. నేటి హీరోల్లో కొంతమంది ఒక సినిమా ఫైనల్ చేయడానికే ఏడాది గడిపేస్తుంటే.. నాని ఏడాదిలో మూడు సినిమాలు రిలీజ్ అయ్యేలా ప్లాన్ చేస్తూ భలే భలే మగాడివోయ్ అనిపించుకుంటున్నారు.

https://youtu.be/KfuU3RNhb_8