ప్రముఖ ఓటీటీలలో ఒకటైన నెట్ ఫ్లిక్స్ ఈ మధ్య కాలంలో స్టార్ హీరోల తెలుగు సినిమాల హక్కులను కొనుగోలు చేయడంతో పాటు ఇతర భాషల్లో హిట్టైన సినిమాలను తెలుగులో డబ్ చేస్తుండటం గమనార్హం. నెట్ ఫ్లిక్స్ సబ్ స్క్రైబర్ల సంఖ్య అంతకంతకూ పెరుగుతుండటం గమనార్హం. అయితే ఇద్దరు టాలీవుడ్ యంగ్ హీరోలకు నెట్ ఫ్లిక్స్ భారీ షాకిచ్చిందని కామెంట్లు వ్యక్తమవుతున్నాయి. పూర్తి వివరాల్లోకి వెళితే మలయాళంలో ఈ మధ్య కాలంలో బ్లాక్ బస్టర్ హిట్ గా నిలిచిన సినిమాలలో తల్లుమల సినిమా కూడా ఒకటి.
టోవినో థామస్ నటించిన ఈ సినిమా ఆయన అభిమానులతో పాటు సాధారణ ప్రేక్షకులకు నచ్చింది. తల్లుమల రీమేక్ తెలుగు వెర్షన్ లో నటించాలని టాలీవుడ్ ప్రముఖ హీరోలైన సిద్ధు జొన్నలగడ్డ, విశ్వక్ సేన్ భావించారు. తమ నిర్మాతలకు ఈ సినిమా రీమేక్ హక్కులను కొనుగోలు చేయాలని సూచించారు. అయితే ఈ ఇద్దరు హీరోలు సూచించిన ప్రొడ్యూసర్లు తక్కువ రేటుకు అడగడంతో మలయాళ నిర్మాతలు తల్లుమల హక్కులను ఈ నిర్మాతలకు ఇవ్వడానికి ఇష్టపడలేదు.
ఆ తర్వాత తల్లుమల నిర్మాతలు నెట్ ఫ్లిక్స్ ను సంప్రదించి తల్లుమలను తెలుగులో డబ్ చేసి విడుదల చేయడానికి సిద్ధమయ్యారు. ఇప్పటికే ఈ సినిమా నెట్ ఫ్లిక్స్ లో అందుబాటులోకి వచ్చింది. నెట్ ఫ్లిక్స్ లో ఈ సినిమా స్ట్రీమింగ్ అవుతుండటంతో ఈ సినిమాను తెలుగులో చూడాలనుకునే అభిమానులు ఎంతగానో సంతోషిస్తున్నారు.
నిర్మాతలు ముందుగానే మలయాళ నిర్మాతలకు ఎక్కువ మొత్తం ఆఫర్ చేసి ఉంటే సిద్ధు జొన్నలగడ్డ లేదా విశ్వక్ సేన్ ఖాతాలో సక్సెస్ చేరడం గ్యారంటీ అని నెటిజన్ల నుంచి కామెంట్లు వ్యక్తమవుతున్నాయి. సిద్ధు జొన్నలగడ్ద లేదా విశ్వక్ సేన్ లకు ప్రస్తుతం యూత్ లో ఊహించని స్థాయిలో క్రేజ్ ఉంది. ఈ హీరోల తర్వాత ప్రాజెక్ట్ లు సక్సెస్ సాధిస్తే ఈ హీరోలు మిడిల్ రేంజ్ హీరోల జాబితాలో చేరే ఛాన్స్ అయితే ఉంటుంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
