రెండు తెలుగు రాష్ట్రాలతో పాటు రిలీజైన ప్రతిచోట హనుమాన్ సినిమాకు పాజిటివ్ టాక్ వస్తోంది. హనుమాన్ మూవీ కలెక్షన్లు కూడా భారీ స్థాయిలో ఉన్నాయి. బడ్జెట్ విషయంలో హనుమాన్ చిన్న సినిమా అయినా కలెక్షన్ల విషయంలో మాత్రం ఈ సినిమా పెద్ద సినిమానే అని నెటిజన్ల నుంచి కామెంట్లు వినిపిస్తున్నాయి. గతంలో అవతార్ రేంజ్ సినిమా తీస్తానని ప్రశాంత్ వర్మ కామెంట్లు కేశారు. ఆ సమయంలో చాలామంది ప్రశాంత్ వర్మను టార్గెట్ చేసి ట్రోల్ చేసిన సంగతి తెలిసిందే.
అయితే అప్పుడు ట్రోల్స్ చేసిన వాళ్లే ఇప్పుడు మెచ్చుకుంటూ ఉండటం హాట్ టాపిక్ అవుతోంది. ఇప్పుడు ప్రశాంత్ వర్మకు భారీ బడ్జెట్ ఇస్తే మాత్రం అవతార్ రేంజ్ మూవీ గ్యారంటీ అని నెటిజన్ల నుంచి అభిప్రాయాలు వ్యక్తమవుతూ ఉండటం గమనార్హం. కొంతమంది అయితే ప్రశాంత్ వర్మను ఏకంగా జక్కన్నతో పోల్చుతున్నారు. అయితే ప్రశాంత్ వర్మ ఈ స్థాయికి చేరుకోవడం వెనుక పడిన కష్టం మాత్రం అంతాఇంతా కాదు.
కెరీర్ తొలినాళ్లలో ఎన్నో అవమానాలు ఎదురయ్యాయని ప్రశాంత్ వర్మ తాజాగా పలు ఇంటర్వ్యూలలో చెప్పుకొచ్చారు. హనుమాన్ సినిమాకు సీక్వెల్ ను ప్రకటించి ప్రశాంత్ వర్మ అందరినీ ఆశ్చర్యపరిచారు. అమృత అయ్యర్ కు ఈ సినిమా మంచి పేరును తెచ్చిపెట్టిన సంగతి తెలిసిందే. ప్రస్తుతం “రాముడికి హనుమంతుడు ఇచ్చిన మాట ఏంటి” అనే లైన్ సోషల్ మీడియా వేదికగా ట్రెండ్ అవుతోంది. సోమవారం నుంచి హనుమాన్ మూవీకి స్క్రీన్స్ పెరిగే ఛాన్స్ ఉంది.
తేజ సజ్జా, ప్రశాంత్ వర్మ (Prashanth Varma) భారీ స్థాయిలో ప్రమోషన్స్ చేయడం కూడా ఈ సినిమాకు కలిసొచ్చిందని నెటిజన్ల నుంచి కామెంట్లు వినిపిస్తున్నాయి. త్వరలో ప్రశాంత్ వర్మ మరికొన్ని ప్రాజెక్ట్ లను ప్రకటించనున్నారని తెలుస్తోంది. జై హనుమాన్ మూవీ వచ్చే ఏడాది సెకండాఫ్ లో రిలీజయ్యే ఛాన్స్ ఉంది. నార్త్ లో ఈ సినిమాకు బుకింగ్స్ అంతకంతకూ పెరుగుతున్నాయి.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
Home