టాలీవుడ్ ఇండస్ట్రీలో యాక్షన్ డైరెక్టర్ గా పేరు సంపాదించుకున్న బోయపాటి శ్రీను గురించి ప్రత్యేకంగా చెప్పాల్సిన పనిలేదు. ఈయన దర్శకత్వంలో తెరకెక్కే సినిమాలలో భారీ యాక్షన్ సన్నివేశాలు ఉంటాయనే సంగతి మనకు తెలిసిందే. అయితే ఈయన దర్శకత్వంలో సినిమాలు చేయాలంటే కేవలం కొందరు హీరోలు మాత్రమే ఆసక్తి చూపిస్తారు. ఇక బోయపాటి దర్శకత్వంలో మహేష్ బాబు పవన్ కళ్యాణ్ వంటి హీరోల సినిమాలను చేయడం లేదు. ఎందుకంటే ఆయన సినిమాలలో యాక్షన్ సన్నివేశాలు ఉంటాయి కనుక అలాంటి సినిమా కథలకు మహేష్ పవన్ వంటి వారికి సెట్ కాకపోవడం వల్ల వీరు పూర్తిగా బోయపాటికి దూరంగా ఉంటారని చెప్పాలి.
బోయపాటి దర్శకత్వంలో సినిమాలకు అల్లు అర్జున్ బాలకృష్ణ వంటి వారు కరెక్ట్ గా సరిపోతారు. బాలకృష్ణ హీరోగా బోయపాటి దర్శకత్వంలో తెరకెక్కిన మూడు సినిమాలు బాక్సాఫీస్ వద్ద రికార్డులు సృష్టించాయి. అదే విధంగా అల్లు అర్జున్ హీరోగా బోయపాటి దర్శకత్వంలో వచ్చిన సరైనోడు చిత్రం కూడా మంచి విజయాన్ని అందుకుంది. ఈ క్రమంలోనే బోయపాటి అఖండ సినిమాతో మంచి విజయాన్ని అందుకోవడంతో ఈయన తన తదుపరి చిత్రాన్ని ఏ హీరోతో తీస్తారు అనేది ప్రస్తుతం చర్చనీయాంశంగా మారింది.
ఈ క్రమంలోనే బోయపాటి దర్శకత్వంలో అల్లు అర్జున్ తన తదుపరి చిత్రాన్ని చేయబోతున్నట్లు పెద్ద ఎత్తున వార్తలు వచ్చాయి. అయితే అల్లు అర్జున్ పుష్ప సినిమా పార్ట్ 2 షూటింగ్ పూర్తైన తర్వాతనే బోయపాటి దర్శకత్వంలో చేయనున్నారు. ఈ సినిమా పూర్తి అయ్యేలోపు సుమారు ఒక ఏడాది కాలం పడుతుంది. అంత వరకు ఖాళీగా ఉండకుండా బోయపాటి మరొక చిత్రాన్ని ప్లాన్ చేస్తున్నారు. ఈ క్రమంలోనే రామ్ హీరోగా బోయపాటి ఓ చిత్రాన్ని చేయాలని భావిస్తున్నట్లు సోషల్ మీడియాలో వార్తలు వస్తున్నాయి.
ఇదే కనుక నిజమైతే బోయపాటి అల్లు అర్జున్ తో సినిమా చేసే అవకాశాన్ని కోల్పోవచ్చనే వార్తలు ఇండస్ట్రీలో చక్కర్లు కొడుతున్నాయి. రామ్, బోయపాటి కాంబినేషన్ లో వచ్చే సినిమా బాక్సాఫీస్ వద్ద ఏ మాత్రం బోల్తా కొట్టినా బోయపాటి అల్లు అర్జున్ తో సినిమా చేసే అవకాశాన్ని కోల్పోయినట్లేనని నెటిజన్లు భావిస్తున్నారు. ఇక కథపై 100% నమ్మకం ఉంచి రామ్ తో తెరకెక్కించే సినిమా సక్సెస్ సాధిస్తే మాత్రమే బోయపాటి అల్లు అర్జున్ కాంబినేషన్ తెరపైకి వస్తుందని లేదంటే బోయపాటి ఇబ్బందులను ఎదుర్కోవాల్సి వస్తుందని కొందరు వారి అభిప్రాయాలను వ్యక్త పరుస్తున్నారు.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home