సంక్రాంతి రేసులోకి ఆర్ఆర్ఆర్ ఎంట్రీతో సర్కారు వారి పాట, భీమ్లా నాయక్ రిలీజ్ డేట్లు మారే అవకాశం ఉందని వార్తలు ప్రచారంలోకి వచ్చాయి. ఆ వార్తలను నిజం చేస్తూ 2022 సంవత్సరం ఏప్రిల్ 1వ తేదీన సర్కారు వారి పాట రిలీజ్ కానుందని మేకర్స్ నుంచి అధికారిక ప్రకటన వెలువడింది. అయితే ఈ డేట్ విషయంలో మహేష్ ఫ్యాన్స్ మాత్రం సంతోషంగా లేరు. సాధారణంగా సమ్మర్ సీజన్ లో రిలీజయ్యే సినిమాలకు మంచి కలెక్షన్లు వస్తాయి.
అయితే కొన్నేళ్ల క్రితం యంగ్ టైగర్ ఎన్టీఆర్ నటించి భారీ అంచనాలతో విడుదలైన శక్తి సినిమా ఏప్రిల్ 1వ తేదీన విడుదలై బాక్సాఫీస్ వద్ద డిజాస్టర్ గా నిలిచింది. అదే తేదీకి సర్కారు వారి పాట రిలీజ్ అవుతుండటంతో సర్కారు వారి పాట మేకర్స్ నిర్ణయం ఫ్యాన్స్ కు నచ్చడం లేదు. మరోవైపు ఏప్రిల్ తొలి వారంలో తెలుగు రాష్ట్రాల్లో పదో తరగతి పరీక్షలు జరుగుతాయి. ఆ సమయంలో సినిమాలపై విద్యార్థుల తల్లిదండ్రులు కూడా పెద్దగా ఆసక్తి చూపరు.
ఆర్ఆర్ఆర్ సంక్రాంతికి ఫిక్స్ అయిన తర్వాత ఏప్రిల్ 28వ తేదీన సర్కారు వారి పాట రిలీజ్ అయ్యే ఛాన్స్ ఉందని వార్తలు వచ్చాయి. అయితే హరిహర వీరమల్లు ఏప్రిల్ 29వ తేదీన రిలీజ్ కానునుండటంతో సర్కారు వారి పాట మేకర్స్ ఏప్రిల్ 1వ తేదీకి ఫిక్స్ అయినట్టు తెలుస్తోంది. సర్కారు వారి పాట రిలీజైన 13 రోజుల తర్వాత కేజీఎఫ్ ఛాప్టర్2 రిలీజ్ కానుండటం గమనార్హం. మరోవైపు భీమ్లా నాయక్ రిలీజ్ డేట్ మారుతుందో లేదో చూడాల్సి ఉంది.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
