ఫ్లాప్స్ అంటూ లేని దర్శకుల లిస్టు లో .. రాజమౌళి, కొరటాల శివ తరువాత అనిల్ రావిపూడి కూడా చేరిపోయాడు. వరుసగా 5 హిట్లందుకుని మంచి ఫామ్లో ఉన్నాడు దర్శకుడు అనిల్ రావిపూడి. తన మొదటి నాలుగు సినిమాలను మీడియం రేంజ్ హీరోలతో తెరకెక్కించిన అనిల్ రావిపూడి.. 5వ చిత్రాన్ని మాత్రం సూపర్ స్టార్ మహేష్ బాబు వంటి స్టార్ హీరోతో చేసే ఛాన్స్ కొట్టేసాడు.ఆ ఛాన్స్ ను పుష్కలంగా ఉపయోగించుకుని ‘సరిలేరు నీకెవ్వరు’ చిత్రంతో బ్లాక్ బస్టర్ కొట్టాడు.
‘సరిలేరు’ తరువాత ‘ఎఫ్2’ సీక్వెల్ అయిన ‘ఎఫ్3’ ని తెరకెక్కించాలి అనుకున్నాడు అనిల్. కానీ కరోనా వచ్చి అతని ప్లాన్స్ ను తారుమారు చేసేసింది. మొన్నటి వరకూ రానా పెళ్లి హడావిడిలో ఉండి వెంకీ ‘ఎఫ్3’ ని కొన్నాళ్ళు ఆపమన్నాడట. ఇక వరుణ్ కూడా ‘బాక్సర్’ అనే చిత్రంతో బిజీగా ఉండడంతో ఈ గ్యాప్ లో మరో హీరోతో సినిమా చేసేద్దాం అని అనిల్ ఫిక్స్ అయ్యాడు. అయితే ఇప్పుడు ‘ ‘ఎఫ్3′ చెయ్యడానికి నేను రెడీ’ అంటూ వెంకటేష్ గ్రీన్ సిగ్నల్ ఇచ్చాడట.
2021 సంక్రాంతి తర్వాత ‘ఎఫ్3’ కి కాల్ షీట్లు ఇచ్చాడట వెంకీ. ఈ లోపు ‘నారప్ప’ ను ఫినిష్ చేయాలన్నది అతని ప్లాన్. అయితే వరుణ్ సంగతి ఏంటన్నది క్లారిటీ రావాల్సి ఉంది. కిరణ్ కొర్రపాటి డైరెక్షన్లో అతను చేస్తున్న చిత్రం ఎంతవరకూ పూర్తయ్యింది.. షూటింగ్ మొదలుపెడితే ఎన్ని రోజుల్లో పూర్తవుతుంది.. అనేదాని పై ‘ఎఫ్3’ కి అతని కాల్ షీట్స్ ఎప్పుడు ఇస్తాడు అనేది ఓకే అంచనా వెయ్యొచ్చు. మధ్యలో నిహారిక పెళ్లి హడావిడి కూడా ఉంటుంది కాబట్టి.. వరుణ్ ఎలా ప్లాన్ చేసుకుంటాడో మరి..!
Most Recommended Video
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
మన తెలుగు సినిమాలు ఏవేవి బాలీవుడ్లో రీమేక్ అవ్వబోతున్నాయంటే?
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?
