‘అయ్యప్పనుమ్‌ కొషియమ్‌’ రీమేక్ టైటిల్‌ ఏంటి? చాలా రోజులుగా పవన్‌ కల్యాణ్‌ అభిమానులు వేసిన ప్రశ్న ఇది. అయితే ఆగస్టు 15న చిత్రబృందం ‘భీమ్లా నాయక్‌’ అంటూ ఓ గ్లింప్స్‌ వీడియోను రిలీజ్‌ చేసింది. దీంతో అభిమానులు ఆనందపడితే… విమర్శకులు పెన్నులు, కీబోర్డులకు పదునుపెట్టారు. ‘మల్టీస్టారర్‌’ను ‘సింగిల్‌ స్టారర్‌’ చేసేశారు అంటూ కామెంట్లు చేశారు. అయితే వాటన్నింటినీ వెనక్కి తీసుకునే పరిస్థితి వస్తుందా? ఏమో అవుననే అనిపిస్తోంది. కారణం సినిమా పోస్టర్‌లో ఈ చిన్న పాయింట్‌.
మలయాళంలో వచ్చిన బంపర్‌ హిట్ ‘అయ్యప్పనుమ్‌ కొషియమ్‌’. ఇద్దరు వ్యక్తులు… తమ ఈగో వల్ల ఎలాంటి ఇబ్బందులు పడ్డారు అనేది చాలా ఆసక్తికరంగా చూపిస్తారు. దానికి ఓ రేంజి ఎలివేషన్లు ఇచ్చి సినిమాను ఓ లెవల్‌లోకి తీసుకెళ్లారు. దీంతో తెలుగులో ఈ సినిమా ఎవరు చేస్తారో కానీ… మామూలుగా ఉండదు అనుకున్నారంతా. అయితే సినిమాకు ‘భీమ్లా నాయక్‌’ అనే పేరు పెట్టడంతో చప్పగా మారిపోయింది సీన్‌. కానీ అది సినిమా పేరు కాదు అనేది తాజా టాక్‌.
మామూలుగా ఏదైనా సినిమాకు ఆ హీరో పేరే టైటిల్‌గా పెడితే ఫలానా హీరో in & as అంటూ ఆ టైటిల్‌ వేస్తారు. కానీ భీమ్లా నాయక్‌కు అలా వేయలేదు. కేవలం పవన్‌ కల్యాణ్‌ as ‘భీమ్లా నాయక్‌’ అని వేశారు. దీంతో అసలు అది సినిమా పేరేనా… లేక కేవలం పాత్ర పేరు చెప్పడానికి అలా చేశారా అనే టాక్‌ నడుస్తోంది. దీనికి వీడియో గ్లింప్స్‌ రిలీజ్‌ రోజు నిర్మాత నాగవంశీ చేసిన ట్వీట్‌ మరో ఉదాహరణ. ‘అంతా ఓ వరుసలో జరుగుతుంది… వెయిట్‌ చేయండి’ అంటూ నిర్మాత ఓ నెటిజన్‌కు సమాధానమిచ్చారు. సో సమ్‌థింగ్‌ డిఫరెంట్‌ అంటున్నారు అంతా. చూద్దాం ఏం చేస్తారో.
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
