Shankar, Ram Charan: శంకర్ కు మరోసారి ఇబ్బందులు తప్పేలా లేవు..!

December 7, 2021 / 05:54 PM ISTByFilmy Focus

Join Us

Shankar, Ram Charan: శంకర్ కు మరోసారి ఇబ్బందులు తప్పేలా లేవు..!

రాంచరణ్- శంకర్ ల కాంబినేషన్లో ఓ భారీ పాన్ ఇండియా చిత్రం రూపొందుతోన్న సంగతి తెలిసిందే. ఇంకా టైటిల్ ఫిక్స్ చెయ్యని ఈ చిత్రాన్ని దిల్ రాజు నిర్మిస్తుండగా కియారా అద్వానీ హీరోయిన్ గా నటిస్తోంది. ఆల్రెడీ షూటింగ్ ప్రారంభం కావడం ఓ షెడ్యూల్ కూడా కంప్లీట్ అవ్వడం జరిగింది. రెండో షెడ్యూల్ ఫైనల్ స్టేజిలో ఉండగా అనూహ్యంగా ఈ చిత్రానికి కొన్ని అడ్డంకులు వచ్చి పడినట్టు తెలుస్తుంది. అందుతున్న సమాచారం ప్రకారం చరణ్- శంకర్ ల ప్రాజెక్టు కొన్నాళ్ల పాటు హోల్డ్ లో పడనుందట. దీనికి ప్రధానంగా రెండు కారణాలు ఉన్నట్టు తెలుస్తుంది.

విషయంలోకి వెళ్తే… చరణ్ తో కంటే ముందే కమల్ హాసన్ తో ‘ఇండియన్2’ ని మొదలుపెట్టాడు శంకర్. ఈ సినిమా షూటింగ్లో ఘోర ప్రమాదం చోటుచేసుకోవడంతో మధ్యలోనే నిలిచిపోయింది.కమల్ హాసన్ కూడా రాజకీయాల్లో బిజీగా మారడం జరిగింది. దీంతో చరణ్ తో ప్రాజెక్టు సెట్ చేసుకున్నాడు శంకర్. అయితే నిర్మాతలు దీనిని ఖండిస్తూ కోర్టుకెక్కారు నిర్మాతలు. ఇప్పటివరకు షూటింగ్ చేసి తమతో బోలెడంత ఖర్చు పెట్టించి ఇప్పుడు వేరే సినిమాకి వెళ్లడం ఏంటి.. అంటూ వారు అభ్యంతరం వ్యక్తం చేశారు.

అలాగే అనుకున్న టైంకి ప్రాజెక్టు కంప్లీట్ చేస్తానని కూడా శంకర్ వారితో అగ్రిమెంట్ చేసుకున్నట్టు వాళ్ళు ప్రూఫ్స్ చూపించారు. ఈ విషయాల్లో శంకర్ నిర్మాతతో ఏకీభవించినప్పటికీ హీరో లేకుండా సినిమా ఎలా చెయ్యాలి.. హీరోని తీసుకొస్తే ప్రాజెక్టు కంప్లీట్ చేయడానికి తాను సిద్దమే అని హామీ ఇవ్వడంతో కోర్టు అందుకు ఆమోదం తెలిపింది. అటు తర్వాత కమల్ షూటింగ్ కు సిద్ధమయ్యే టైంకి అతనికి కరోనా వచ్చింది. ఇప్పుడు కమల్ కోలుకుని సాధారణ స్థితికి వచ్చాడు.

సో శంకర్ ‘ఇండియన్’ మొదలు పెట్టాలి. మరోపక్క ‘ఆర్.ఆర్.ఆర్’ ప్రమోషన్ల కోసం చరణ్ రెండు నెలల పాటు రాజమౌళికి కేటాయించాలి. జనవరి 7న ‘ఆర్.ఆర్.ఆర్’ విడుదల చేయబోతున్నట్టు ప్రకటించారు. కానీ ఒమిక్రాన్ ఎఫెక్ట్ పడకుండా.. ఓవర్సీస్ లో లాక్ డౌన్ వంటివి లేకపోతేనే ‘ఆర్.ఆర్.ఆర్’ విడుదల సాధ్యమవుతుంది. లేకపోతే కష్టం. ఇక ఈ ‘ఆర్.ఆర్.ఆర్’ తర్వాత చరణ్ ‘ఆచార్య’ ను కూడా ప్రమోట్ చేయాలి. ఇన్ని అడ్డంకుల నడుమ శంకర్ తో సినిమా ఎప్పటికి తెవులుతుందో..!