టాలీవుడ్ ఇండస్ట్రీలోని భారీ బడ్జెట్ సినిమాలలో ఒకటైన ఆర్ఆర్ఆర్ రిలీజ్ డేట్ మారడం ఖాయమని తెలుస్తోంది. వేర్వేరు రీజన్స్ వల్ల ఈ సినిమా రిలీజ్ డేట్ మారనుందని గత కొన్నిరోజులుగా వార్తలు వస్తున్నాయి. వచ్చే ఏడాది సంక్రాంతికి ఆర్ఆర్ఆర్ వాయిదా పడనుందని వైరల్ అవుతున్న వార్తల సారాంశం. అయితే ఇప్పటికే 2022 సంక్రాంతికి భీమ్లా నాయక్, సర్కారు వారి పాట, రాధేశ్యామ్ సినిమాలు రిలీజ్ డేట్లను ఫిక్స్ చేసుకున్నాయి. ఆర్ఆర్ఆర్ సంక్రాంతికి వాయిదా పడితే ఈ మూడు సినిమాలలో కనీసం రెండు సినిమాలు రిలీజ్ డేట్లను కచ్చితంగా మార్చుకోవాల్సిన పరిస్థితి ఏర్పడుతుంది.
రాజమౌళి అధికారికంగా ప్రకటిస్తే మాత్రమే ఆర్ఆర్ఆర్ రిలీజ్ డేట్ కు సంబంధించి స్పష్టత వచ్చే అవకాశం ఉంది. మరోవైపు ఆచార్య సినిమా ఈ ఏడాది క్రిస్ మస్ కు రిలీజ్ కానుందని తెలుస్తోంది. ఆచార్య సినిమా సాంగ్స్ షూటింగ్ బ్యాలెన్స్ ఉంది. అక్టోబర్ లో సాంగ్స్ షూటింగ్ ను పూర్తి చేసి డిసెంబర్ చివరివారంలో ఈ సినిమాను రిలీజ్ చేయాలని దర్శకుడు కొరటాల శివ భావిస్తున్నట్టు తెలుస్తోంది. చిరంజీవి కోరితే బన్నీ రిలీజ్ డేట్ ను మార్చడానికి అంగీకరించే అవకాశాలు అయితే ఉంటాయి.
మరోవైపు అఖండ మూవీ దసరా కానుకగా రిలీజ్ కానుందని అక్టోబర్ 13వ తేదీనే అఖండ రిలీజ్ కావచ్చని వార్తలు వస్తున్నాయి. ఆచార్య క్రిస్మస్ కు రిలీజైతే పుష్ప ఏ డేట్ ను ఫిక్స్ చేసుకుంటుందో చూడాల్సి ఉంది. సంక్రాంతి హీరోలకు జక్కన్న ఝలక్ ఇస్తారో లేదో చూడాల్సి ఉంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
