మహేష్ రాజమౌళి కాంబినేషన్ లో తెరకెక్కే సినిమా కోసం మహేష్ ఫ్యాన్స్ తో పాటు సాధారణ ప్రేక్షకులు సైతం ఆసక్తిగా ఎదురు చూస్తున్న సంగతి తెలిసిందే. చాలా సంవత్సరాల నుంచి ఈ ప్రాజెక్ట్ కు సంబంధించి వార్తలు వస్తున్నా ఆర్ఆర్ఆర్ సినిమా తరువాత ఈ పాజెక్ట్ తెరకెక్కనున్నట్టు అధికారిక ప్రకటన వెలువడింది. కేఎల్ నారాయణ ఈ సినిమాకు నిర్మాతగా వ్యవహరిస్తున్నారు. రాజమౌళి కొన్నేళ్ల క్రితం కేఎల్ నారాయణ దగ్గర అడ్వాన్స్ తీసుకున్నారు.
రాజమౌళికి ప్రముఖ నిర్మాతల నుంచి ఎక్కువ మొత్తంలో రెమ్యునరేషన్ ఇస్తామని ఆఫర్లు వస్తున్నా ఇచ్చిన మాటకు కట్టుబడి రాజమౌళి కేఎల్ నారాయణతో మహేష్ సినిమాను తెరకెక్కిస్తున్నారు. బాలీవుడ్ మీడియా కథనాల ప్రకారం రాజమౌళి మహేష్ మూవీ జంగిల్ బేస్డ్ అడ్వెంచర్ స్టోరీ అని తెలుస్తోంది. ఈ ఏడాది దసరా పండుగ సందర్భంగా మహేష్ రాజమౌళి ప్రాజెక్ట్ లాంఛనంగా ప్రారంభం కానుందని సమాచారం. రాజమౌళి తండ్రి విజయేంద్రప్రసాద్ ఈ సినిమాకు కథ అందిస్తున్నారు.
2022 జనవరి నుంచి ఈ సినిమా సెట్స్ పైకి వెళుతుందని 2023 సంక్రాంతికి ఈ సినిమాను రిలీజ్ చేయాలని రాజమౌళి భావిస్తున్నారని ఇండస్ట్రీ వర్గాల్లో ప్రచారం జరుగుతోంది. ఒకవేళ మహేష్ సర్కారు వారి పాట తరువాత త్రివిక్రమ్ మూవీలో నటిస్తే మాత్రం మహేష్ రాజమౌళి మూవీ రిలీజ్ డేట్ మారే అవకాశం ఉంది. మహేష్ రాజమౌళి కాంబినేషన్ సినిమా దాదాపు రూ.500 కోట్లతో తెరకెక్కనుందని సమాచారం. మరోవైపు మహేష్ రాజమౌళి సినిమా ఛత్రపతి శివాజీకి సంబంధించిన కథతో తెరకెక్కనుందని గతంలో వార్తలు వచ్చాయి. రాజమౌళి మహేష్ మూవీ కథకు సంబంధించి పూర్తి వివరాలు తెలియాలంటే రాజమౌళి చెప్పేవరకు ఆగాల్సిందే.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home