నిధి అగర్వాల్.. నాగ చైతన్య హీరోగా తెరకెక్కిన ‘సవ్య సాచి’ తో టాలీవుడ్ కి ఎంట్రీ ఇచ్చింది. మొదటి సినిమాతోనే బోలెడంత క్రేజ్ ను సొంతం చేసుకుంది. ఆ తర్వాత ‘మిస్టర్ మజ్ను’ ప్లాపైనా ఈమె ఇమేజ్ పెరుగుతూనే వచ్చింది. ఆ తర్వాత వచ్చిన ‘ఇస్మార్ట్ శంకర్’ మూవీ అయితే ఈమెకు స్టార్ స్టేటస్ ను తెచ్చిపెట్టిందని చెప్పాలి. ఆ తర్వాత ఈమెకు తమిళంలో కూడా ఛాన్స్ లు లభించాయి.
ప్రస్తుతం ఈ అమ్మడు (Nidhhi Agerwal) ఇద్దరు బడా స్టార్ హీరోల సినిమాల్లో మెయిన్ హీరోయిన్ గా నటిస్తుంది. ఇది చిన్న విషయం అయితే కాదు. కానీ ఈ రెండు సినిమాల షూటింగ్లు ఇంకా కంప్లీట్ అవ్వలేదు. వివరాల్లోకి వెళితే.. నిథి అగర్వాల్.. పవన్ కళ్యాణ్ హీరోగా క్రిష్ దర్శకత్వంలో రూపొందుతున్న ‘హరి హర వీర మల్లు’ చిత్రంలో హీరోయిన్ గా నటిస్తుంది. అలాగే ప్రభాస్ – మారుతీ కాంబినేషన్లో రూపొందుతున్న సినిమాలో కూడా ప్రధాన పాత్ర పోషిస్తుంది.
రెండు పెద్ద సినిమాల్లో నటిస్తుండటంతో వేరే సినిమాల్లో పనిచేయలేని పరిస్థితి ఈమెది. అది ఈమె లక్ అనాలో.. బ్యాడ్ లక్ అనాలో అర్ధం కాని పరిస్థితి. ప్రభాస్ సినిమా అంటే లేట్ గా మొదలైంది అనుకోవచ్చు. అయినా ఆ సినిమాకి సంబంధించిన అధికారిక ప్రకటన ఇంకా రాలేదు లెండి. అయితే పవన్ కళ్యాణ్ తో చేస్తున్న ‘హరి హరి వీరమల్లు’ సంగతి ఎటూ తేలడం లేదు. 2024 లో అయినా ఈ సినిమా విడుదలవుతుందా? అంటే చెప్పలేని పరిస్థితి.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
Home