“సవ్యసాచి” సినిమాతో తెలుగు తెరకు పరిచయమైన బాలీవుడ్ సుందరి నిధి అగర్వాల్ కు ఇప్పటివరకూ సరైన హిట్ ఒక్కటి కూడా లేదు. పైగా ఆమె నటించిన “సవ్యసాచి, మిస్టర్ మజ్ను” సినిమాలు బాక్సాఫీస్ దగ్గర డిజాస్టర్లుగా నిలిచాయి. పోనీ కమర్షియల్ సక్సెస్ సాధించకపోయినా పర్లేదు కనీసం నటిగా ప్రూవ్ చేసుకుందా అంటే అదీ లేదు. అలాగని గ్లామరస్ గానూ ఆకట్టుకోలేకపోతోంది. ఇవేమీ లేకపోయినా సినిమాల్లో వరుస ఆఫర్లు మాత్రం దక్కించుకుంటోంది. దాంతో నిధి అగర్వాల్ ను చూసి మిగతా హీరోయిన్లు ఏం చేయాలో తెలియని పరిస్థితిలో కొట్టుమిట్టాడుతున్నారు.
అయితే.. సినిమాల్లో అటు నటనతో కానీ, ఇటు గ్లామర్ తో కానీ జనాలని ఎంటర్ టైన్ చేయలేకపోతున్న నిధి.. సెక్సీ ఫోటోషూట్స్ తో డైరెక్టర్స్ ని మాత్రం గట్టిగానే ఎట్రాక్ట్ చేస్తుంది. ఆ కారణంగానే దర్శకులు ఆమెకు వరుస అవకాశాలు ఇస్తున్నారు. మరి ఈ విషయం మిగతా హీరోయిన్లు కూడా పసిగడితే బాగుండు. అయినా అమ్మడు అర్జెంట్ గా నటన పరంగా ఇంప్రూవ్ మెంట్ చూపకపోతే ఇకపై అవకాశాలు రావడం మాత్రం కష్టమే. ఈ విషయాన్ని నిధి ఎప్పటికీ గ్రహిస్తుందో ఏమో.
