హీరోయిన్ల లైఫ్స్టైల్, పార్టీలు వంటి వ్యవహారాలు ఆడియన్స్ లో క్యూరియాసిటీ క్రియేట్ చేసేవే. తాజాగా ఇస్మార్ట్ బ్యూటీ నిధి అగర్వాల్(Nidhhi Agerwal) తన పర్సనల్ లైఫ్ గురించి చేసిన కొన్ని బోల్డ్ కామెంట్స్ ఇప్పుడు సోషల్ మీడియాలో వైరల్ అవుతున్నాయి. ముఖ్యంగా తనకున్న ఓ పాత అలవాటు గురించి, చిన్న వయసులో చేసిన పనుల గురించి ఆమె చేసిన కొన్ని ఓపెన్ కామెంట్స్ అందరికీ షాకిచ్చాయి.
సాధారణంగా హీరోయిన్లు తమ పర్సనల్ అలవాట్ల గురించి బయటపెట్టడానికి ఇష్టపడరు. కానీ నిధి మాత్రం చాలా నిజాయితీగా స్పందించింది. ఆమెకు చాలా చిన్న వయసులోనే ఆల్కహాల్ అలవాటు అయ్యిందట. కేవలం 14 ఏళ్ల వయసులో ఫ్రెండ్స్తో కలిసి సరదాగా మందు తాగడం మొదలుపెట్టింది. అప్పట్లో అది చాలా ‘ఫన్’గా అనిపించినా, రాను రాను అది తన బాడీకి సెట్ అవ్వట్లేదని గ్రహించింది.
ఆల్కహాల్ తీసుకున్న తర్వాత భయం, అసౌకర్యం కలగడంతో.. దాదాపు ఆరేళ్ల తర్వాత మందును పూర్తిగా మానేసింది.ఇప్పుడు పార్టీలకు వెళ్లినా ఆల్కహాల్ జోలికి అస్సలు వెళ్లనని నిధి క్లారిటీ ఇచ్చింది. అందరూ చేతిలో మందు గ్లాసు పట్టుకుంటే.. తాను మాత్రం గ్రీన్ టీతోనే ఫుల్లుగా ఎంజాయ్ చేస్తానని చెప్పింది. ఆల్కహాల్ లేకపోయినా పార్టీలను ఎంజాయ్ చేయొచ్చని నిధి స్ట్రాంగ్గా ఫిక్స్ అయ్యింది.ఇక కెరీర్ విషయానికొస్తే.. నిధి ఇప్పుడు టాప్ గేర్లో ఉంది.
పవర్స్టార్ పవన్ కళ్యాణ్తో ‘హరిహర వీరమల్లు’, రెబల్ స్టార్ ప్రభాస్తో ‘ది రాజా సాబ్’ వంటి భారీ ప్రాజెక్టుల్లో నటించింది. ఈ సినిమాల రిజల్ట్ ఎలా ఉన్నా, నిధి గ్లామర్, నటనకు మాత్రం మంచి మార్కులే పడ్డాయి. అయితే ‘రాజా సాబ్’ ప్రమోషన్ల టైంలో హైదరాబాద్లోని ఓ మాల్లో అభిమానులు చుట్టుముట్టడంతో చాలా ఇబ్బంది పడ్డానని, సెక్యూరిటీ వల్ల బయటపడ్డానని గుర్తుచేసుకుంది.
