సైరా నరసింహ రెడ్డిలో నిహారిక ఏ రోల్ చేసిందంటే ?

తొలి భారతీయ స్వాతంత్ర సమర యోధుడు రేనాటి సూర్యుడు ఉయ్యాలవాడ నరసింహ రెడ్డి జీవితం ఆధారంగా రూపుదిద్దుకుంటున్న “సైరా నరసింహారెడ్డి” షూటింగ్ వేగంగా సాగుతోంది. ఖైదీ నంబర్ 150 ఇచ్చిన విజయంతో మరింత ఉత్సాహంగా చిరంజీవి ఈ సినిమాని చేస్తున్నారు. కొన్ని కీలకమైన యాక్షన్ సన్నివేశాలు కంప్లీట్ అయింది. అభిమానుల అంచనాలకు మించి ఉండేలా ఈ చిత్రాన్ని డైరక్టర్ సురేందర్ రెడ్డి తెరకెక్కిస్తున్నారు. కొణిదెల ప్రొడక్షన్ కంపెనీ బ్యానర్ లో రామ్ చరణ్ నిర్మిస్తున్న ఈ చిత్రంలో సినిమా రారాజు అమితాబ్ బచ్చన్, డేరింగ్ స్టార్ జగపతి బాబు, కన్నడ స్టార్ కిచ్చ సుదీప్, విజయ్ సేతు పతి లు కీలక పాత్రలు పోషిస్తున్నారు.

నయనతార, హ్యూమా ఖురేషి, తమన్నా తదితరులు నటిస్తున్న సంగతి తెలిసిందే. అలాగే మెగా డాటర్ నిహారిక కూడా నటిస్తున్నట్లు ఇదివరకు వార్తలు వచ్చాయి. ఇప్పుడు ఆమె చేస్తున్న రోల్ బయటికి వచ్చింది. ఈ సినిమాలో నిహారిక ఒక గిరిజన యువతిగా కనిపిస్తుందని సమాచారం. రెండు .. మూడు సీన్లలో ఆమె ఈ సినిమాలో కనిపించనుందని అంటున్నారు. పెదనాన్న చిరంజీవితో కలిసి నటించాలని నిహారిక కలలు కనేది. చిరు రాజకీయంలోకి వెళ్లిపోవడంతో ఆ కల కలగానే ఉండిపోతుందని అనుకుంది. కానీ సైరా ద్వారా ఆ కల నెరవేరింది. ప్రస్తుతం ఆమె హీరోయిన్ గా నటించిన హ్యాపీ వెడ్డింగ్ మూవీ శనివారం థియేటర్లోకి రానుంది.