వివాదాల్లో పవన్ హీరోయిన్!!!

పవన్ కల్యాణ్ పోలీసు పాత్రలో ఎస్.జే సూర్య దర్శకత్వంలో నటించిన చిత్రం ‘పులి’. అయితే అప్పట్లో సినిమా భారీ అంచనాలతో విడుదలయ్యి డిజాస్టర్ గా ముగిసింది. ఇక ఆ సినిమాలో పవన్ కు సరసన తళుక్కున మెరిసిన భామ నిఖీషా పటేల్. ఈ భామకు పాపం తెలుగులో సరిగ్గా కలసి రాక కన్నడ ఇండస్ట్రీకి వెళ్ళిపోయి అక్కడే సెటిల్ అయిపోయింది. ఇదంతా బాగానే ఉంది కానీ ఎవ్వరి మీద కోపం వచ్చిందో తెలీదు కానీ, అనుకోని రీతిలో ఈ భామ దర్శకులపై విమర్శలు ఎక్కు పెట్టింది. ఒక సినిమా ఫేల్యూర్ అయ్యింది అని అంటే…దానికి దర్శకులే బాధ్యులు కానీ.. నటీనటులు కాదని.. ప్రస్తుతం సినీ పరిశ్రమలో మంచి దర్శకుల కొరత చాలా ఉందని.. అంటూ ఓ ట్వీట్ చేసి దుమారానికి తెర తీసింది.

అయితే తెలుగులో ఈమె నటించిన పులి, ఓం-3డీ సినిమాలు డిజాస్టర్ కావడంతో ఆ దర్శకులను ఉద్దేశించి టాలీవుడ్ కు షాక్ ఇచ్చిందో. లేకపోతే ప్రస్తుతం తాను ఉంటున్న కన్నడ ఇండస్ట్రీలో వారిని టార్గెట్ చేసిందో తెలీదు కానీ. మొత్తానికైతే అనుకోని విధంగా దర్శకులపై ట్వీట్ చేసి వార్తల్లోకి ఎక్కింది ఈ భామ. ఇక తాజాగా తెలుగులో ఆమె ‘అరకు రోడ్డులో’ అనే సినిమా చేస్తునట్లు సమాచారం. ఏది ఏమైనా…హాట్ బ్యూటీ హాట్ కామెంట్స్ దుమారాన్ని రేపడమే కాకుండా, ఆ హీరోయిన్ ను వివాదాల్లోకి కూడా నెట్టింది అంటున్నారు సినీ విశ్లేషకులు. చూడాలి ఈ వ్యవహారం ఎక్కడికి దారి తీస్తుందో.