కళ్యాణ్ గారి మీద నాకున్న ప్రేమ అలాంటిది..

తెలుగులో సంవత్సరానికి ఒక 300 సినిమాలు విడుదలవుతుంటే.. వాటిలో కనీసం 250 సినిమాల్లో పవన్ కళ్యాణ్ టాపిక్ లేదా ఆయన ఫోటో కనిపిస్తుంటాయి. ఆయన క్రేజ్ ను చిన్న-పెద్ద అన్న తేడా లేకుండా ప్రతి ఒక్కరూ క్యాష్ చేసుకోడానికి సుముఖత చూపుతుంటారు. ఒక్క మహేష్ బాబు, ఎన్టీయార్, బాలకృష్ణ సినిమాలు తప్పితే ప్రతి హీరో సినిమాలోనూ ఏదో ఒక్క సన్నివేశంలోనైనా పవన్ కళ్యాణ్ రిఫరెన్స్ కనిపిస్తుంటుంది.

అయితే.. అందరూ ఒక లెక్క నేనో లెక్క అంటున్నాడు నితిన్. మామూలుగానే పవన్ కళ్యాణ్ వీరాభిమాని అయిన నితిన్, తాను నటించే ప్రతి సినిమాలోనూ పవన్ కళ్యాణ్ ప్రస్తావన తీసుకురావడం, ఆయన స్టైల్ ను ఇమిటేట్ చేయడం లాంటివి తరచుగా చేస్తుంటాడు. ఆయన నటిస్తున్న తాజా చిత్రం “లై”లోనూ పవన్ కళ్యాణ్ “తమ్ముడు” సినిమాలోని కూలీ స్టైల్ ను ఇమిటేట్ చేస్తూ నితిన్ నిల్చున్న పోస్టర్ ప్రస్తుతం సోషల్ మీడియాలో హల్ చల్ చేస్తోంది. ఇదే విషయాన్ని మీడియా మిత్రులు అడగ్గా.. “నేను పవన్ కళ్యాణ్ గారి సినిమాలు చూస్తూ పెరిగాను, ఆయనంటే ఆల్మోస్ట్ పిచ్చి నాకు.

ఆయన మీద నాకున్న ప్రేమను ఇలా సినిమాలో ఏదో ఒక సన్నివేశంలో ఆయన్ను ఇమిటేట్ చేసి ప్రదర్శిస్తుంటాను. నా సినిమా కోసం ఆయన్ని కావాలని వాడుకొంటున్నాని చాలా మంది అంటుంటారు. కానీ నేను ఆ విషయాలను పట్టించుకోను. నా ప్రతి సినిమాలోనూ ఆయన రిఫరెన్స్ ఉంటూనే ఉంటుంది” అంటూ చాలా హుందాగా సమాధానమిచ్చాడు నితిన్. మరి మనోడికి పవన్ కళ్యాణ్ రిఫరెన్స్ ఎలాంటి హిట్ ను తెచ్చిపెడుతుందో తెలియాలంటే ఈ ఆగస్ట్ 11 వరకూ వేచి చూడాల్సిందే!

Also, do SUBSCRIBE to our YouTube channel to get latest Tollywood updates.