Nithiin: పండంటి మగబిడ్డకు జన్మనిచ్చిన నితిన్ భార్య..!

నితిన్ (Nithiin) భార్య షాలినికి నెలలు నిండినట్లు ఇటీవల వార్తలు వచ్చిన సంగతి తెలిసిందే. ఈరోజు ఆమెకు డెలివరీ అయ్యింది. ఈ క్రమంలో ఆమె పండంటి మగబిడ్డకు జన్మనిచ్చినట్టు సమాచారం. ఈ విషయాన్ని నితిన్ – షాలిని దంపతులు తమ టీం ద్వారా మీడియాకి తెలియజేశారు. ‘మాకు(నితిన్- షాలిని దంపతులకు) పండంటి మగబిడ్డ జన్మించాడు అని తెలియజేయడానికి సంతోషిస్తున్నాము. ప్రస్తుతం తల్లి, బిడ్డ ఆరోగ్యంగానే ఉన్నారు’ అంటూ నితిన్ టీం తెలియజేసింది.

Nithiin

అలాగే నితిన్ (Nithiin) కూడా తన ఇన్స్టాగ్రామ్లో ‘ వెల్కమింగ్ ది న్యూ స్టార్ ఆఫ్ అవర్ ఫ్యామిలీ’ అంటూ తన భార్య బిడ్డల చేతులు పట్టుకుని ఉన్న ఫోటోని షేర్ చేశాడు. ప్రస్తుతం ఈ వార్త అలాగే నితిన్ పెట్టిన పోస్ట్ వైరల్ గా మారాయి. నితిన్ -షాలినీ…లది ప్రేమ వివాహం అనే సంగతి అందరికీ తెలిసిందే. కోవిడ్ కి ముందు ఎంగేజ్మెంట్ చేసుకున్నారు. డెస్టినేషన్ వెడ్డింగ్ గా విదేశాల్లో పెళ్లి చేసుకోవాలనుకున్నారు. కానీ కోవిడ్ కారణంగా .. కోవిడ్ నిబంధనలు పాటిస్తూ సింపుల్ గా హైదరాబాద్లోనే పెళ్లి చేసుకున్నారు.

ప్రస్తుతం ‘భీష్మ’ (Bheeshma) ఫేమ్ వెంకీ కుడుముల (Venky Kudumula) దర్శకత్వంలో ‘రాబిన్ హుడ్’ (Robinhood) , ‘వకీల్ సాబ్’ (Vakeel Saab) ఫేమ్ వేణు శ్రీరామ్ (Venu Sriram)  దర్శకత్వంలో ‘తమ్ముడు’  (Thammudu) వంటి క్రేజీ సినిమాలు చేస్తూ బిజీగా గడుపుతున్నాడు నితిన్. తన భార్యకి డాక్టర్లు డెలివరీ డేట్ ఇవ్వడంతో.. కొద్దిరోజులు తన సినిమాల షూటింగ్లకి బ్రేక్ ఇచ్చాడు నితిన్. ఇక సోషల్ మీడియాలో నితిన్ (Nithiin) దంపతులకి ‘కంగ్రాట్స్’ చెబుతూ నెటిజన్లు తమ బెస్ట్ విషెస్ ను తెలియజేస్తున్నారు.

 

View this post on Instagram

 

A post shared by N I T H I I N (@actor_nithiin)

 ఆ విషయంలో నాచురల్ స్టార్ చెప్పిన మాటపై నిలబడతారా?