‘శ్రీనివాస కళ్యాణం’ వంటి డిజాస్టర్ తర్వాత ఏడాదికి పైనే గ్యాప్ తీసుకున్నాడు నితిన్. ప్రస్తుతం వెంకీ కుడుములు డైరెక్షన్లో ‘భీష్మ’ చిత్రం చేస్తూ బిజీగా గడుపుతున్నాడు. ‘సితారా ఎంటర్టైన్మెంట్స్’ బ్యానర్ పై సూర్య దేవర నాగవంశీ డైరెక్షన్లో రూపొందుతోన్న ఈ చిత్రంలో రష్మిక మందన హీరోయిన్ గా నటిస్తుంది. డిసెంబర్ లో ఈ చిత్రాన్ని విడుదల చేయాలని చిత్ర యూనిట్ ప్లాన్ చేస్తుంది. ఇదిలా ఉండగా ఈ చిత్రం తర్వాత చంద్రశేఖర్ యేలేటి, అలాగే వెంకీ అట్లూరి డైరెక్షన్లో సినిమా చేయబోతున్నాడు నితిన్.
ఇక చంద్రశేఖర్ యేలేటి డైరెక్షన్లో తెరకెక్కబోతున్న సినిమాలో రకుల్ ప్రీత్ సింగ్ హీరోయిన్ గా నటిస్తుంది. అందుతున్న సమాచారం ప్రకారం ఈ చిత్రానికి ‘చదరంగం’ అనే టైటిల్ ను అనుకుంటున్నారట. ఈ చిత్రం కథ కూడా ‘చదరంగం’ ఆట నేపథ్యంలోనే సాగుతుందట. అందుకే ఈ చిత్రానికి ‘చదరంగం’ అనే టైటిల్ ను ఫిక్స్ చేయబోతున్నట్టు తెలుస్తుంది. మరి ఈ చిత్రంతో అయినా హిట్ అందుకుని నితిన్ మళ్ళీ ఫామ్లోకి వస్తాడేమో చూడాలి..!
సైరా నరసింహారెడ్డి చిత్రంలోని పవర్ ఫుల్ డైలాగ్స్
సైరా సినిమా రివ్యూ & రేటింగ్!
