Nithiin: మొత్తానికి సాగర్ చంద్రకి హీరో దొరికాడు..!

June 21, 2022 / 05:19 PM ISTByFilmy Focus

Join Us

Nithiin: మొత్తానికి సాగర్ చంద్రకి హీరో దొరికాడు..!

పవన్ కళ్యాణ్ హీరోగా రానా కీలక పాత్రలో ‘అయ్యప్పనుమ్ కోషియమ్’ చిత్రం రీమేక్ అయిన సంగతి తెలిసిందే. ‘భీమ్లా నాయక్’ టైటిల్ తో తెరకెక్కిన ఈ మూవీ ఫిబ్రవరి 25న విడుదలైంది. సాగర్ కె చంద్ర ఈ చిత్రానికి దర్శకుడు కాగా త్రివిక్రమ్ శ్రీనివాస్ కథ, స్క్రీన్ ప్లే అందించారు. మొదటి షోతోనే ఈ సినిమా సూపర్ హిట్ టాక్ ను సొంతం చేసుకుంది. బ్రేక్ ఈవెన్ సాధించకపోయినా.. ఆ టైములో టాలీవుడ్ కు అవసరమైన ఫలితాన్ని అందించింది ‘భీమ్లా నాయక్’.

ఈ చిత్రంతో దర్శకుడు సాగర్ కె చంద్ర క్రేజ్ పెరగడం ఖాయమని అంతా అనుకున్నారు. కానీ అలాంటిది ఏమీ జరగలేదు. ఈ సినిమా సక్సెస్ క్రెడిట్ అంతా త్రివిక్రమ్ అకౌంట్లో పడిపోయింది. ప్రమోషన్స్ లో కూడా దర్శకుడు సాగర్ పేరు ఎవ్వరూ ఎక్కువగా ప్రస్తావించలేదు. పోనీ ఈ ప్రాజెక్టు కంప్లీట్ అయ్యాక సాగర్ కు వరుస ఆఫర్లు వస్తున్నాయా? అంటే అదీ లేదు. ‘భీమ్లా’ రిలీజ్ అయ్యి 5 నెలల వరకు సాగర్ కు హీరో దొరకలేదు.

మొత్తానికి సాగర్ నిరీక్షణ ఫలించింది. పవన్ కళ్యాణ్ వీరాభిమాని అయిన నితిన్.. సాగర్ తో సినిమా చేయడానికి ఓకే చెప్పాడు. సాగర్ చెప్పిన ఓ కథకి నితిన్ ఇంప్రెస్ అయిపోయాడు. వెంటనే సినిమా చేయడానికి ఓకే చెప్పేసాడు.అయితే ఈ ప్రాజెక్టుని ఎవరు నిర్మిస్తారు? అన్నది తెలియాల్సి ఉంది. త్వరలోనే దీనికి సంబంధించిన అధికారిక ప్రకటన అయితే రానుంది అని వినికిడి.

ప్రస్తుతం నితిన్ ‘మాచ‌ర్ల నియోజ‌క వ‌ర్గం’ అనే చిత్రంతో బిజీగా ఉన్నాడు. ఆ త‌ర‌వాత‌…. వ‌క్కంతం వంశీ ద‌ర్శ‌క‌త్వంలో ఓ సినిమా ఉంటుంది. సెప్టెంబ‌రు నుండి సాగ‌ర్ చంద్ర ప్రాజెక్టు సెట్స్ పైకి వెళ్లే అవకాశం ఉంది.