టాలీవుడ్ యంగ్ అండ్ ఎనర్జిటిక్ హీరో నితిన్, రష్మిక నటించిన భీష్మ చిత్రం ఎంతో మంచి విజయాన్ని అందుకుంది. ఈ సినిమా తర్వాత నితిన్ పలు సినిమాల్లో నటించినప్పటికీ పెద్దగా ప్రేక్షకులు ఈ సినిమాలను ఆదరించడం లేకపోయారు. ఈ విధంగా నితిన్ సినిమాలు ఫ్లాప్ అవుతున్నప్పటికీ ఈయన మాత్రం పట్టువదలని విక్రమార్కుడిలా అవకాశాలను అందుకుంటూ తన ప్రయత్నాలు చేస్తూ ఉన్నారు .ఈ క్రమంలోని ప్రస్తుతం నితిన్ హీరోగా మాచర్ల నియోజకవర్గం సినిమా షూటింగ్ పనులు శరవేగంగా జరుగుతున్నాయి.
ఈ సినిమా కాకుండా నితిన్ వక్కంతం వంశీ డైరెక్షన్ లో పొలిటికల్ కామెడీ బ్యాక్డ్రాప్లో తెరకెక్కుతున్న ఈ సినిమాలో నటిస్తున్నారు. ఈ సినిమాకు జూనియర్ అనే టైటిల్ కూడా పెట్టాలని నిర్ణయం తీసుకున్నారు.ఇకపోతే ఈ సినిమాలో నితిన్ సరసన పెళ్లి సందడి బ్యూటీ శ్రీ లీలా సందడి చేయనుంది.ఈ క్రమంలోనే పొలిటికల్ కామెడీ తరహాలో ఈ సినిమా ప్రేక్షకుల ముందుకు రాబోతుందని తెలియడంతో ఈ సినిమాపై నెటిజన్లు తమదైన శైలిలో స్పందిస్తూ కామెంట్లు చేస్తున్నారు.
ఈ సినిమాపై స్పందించిన ఒక నెటిజన్ కామెంట్ చేస్తూ… ఏందయ్యా ఈ పొలిటికల్ కామెడీ సినిమాలు.. అవసరమా అంటూ ఎంతో అసంతృప్తిగా ఈ సినిమాపై కామెంట్ చేశారు. ఈ క్రమంలోనే నెటిజన్ చేసిన కామెంట్ వైరల్ కావడంతో నితిన్ ఈ కామెంట్ పై స్పందిస్తూ క్లారిటీ ఇచ్చారు. ఈ సందర్భంగా నితిన్ రిప్లై ఇస్తూ ఫేక్ రాజా చిల్ అవ్వూ.. గట్టిగా కొడదాం ఈ మూవీ.. ట్వీట్ స్టోర్ చేస్కో.. అని నితిన్ ట్వీట్ చేశాడు. ప్రస్తుతం ఈ ట్వీట్ సోషల్ మీడియాలో వైరల్ గా మారింది.
ఇక ఈ సినిమా పట్ల నితిన్ ఎంతో కాన్ఫిడెంట్ గా ఉన్నారని తెలుస్తోంది.వక్కంతం వంశీ ఎన్నో సినిమాలకు రచయితగా డైరెక్టర్గా పని చేశారు. ఇక పోతే అల్లు అర్జున్ హీరోగా నటించిన నా పేరు సూర్య నా ఇల్లు ఇండియా ఈ సినిమా ఫ్లాప్ అవడంతో ఈయనకు నితిన్ అవకాశమిచ్చారు.ఈ సినిమా ద్వారా ఆయన మరోసారి ఇండస్ట్రీలో తానేంటో ప్రూవ్ చేసుకోవాలని వంశీ గట్టి ప్రయత్నాలు చేస్తున్నట్లు తెలుస్తోంది. మరి ఈ సినిమా ద్వారా ఆయన ఆయన ప్లాన్ వర్కవుట్ అవుతుందా లేదా అనే విషయం తెలియాల్సి ఉంది. ఇకపోతే ఈ సినిమాని ఆదిత్య మూవీస్ & ఎంటర్‌టైన్‌మెంట్స్‌తో కలిసి శ్రేష్ఠ్ మూవీస్ ఎంతో ప్రతిష్టాత్మకంగా నిర్మిస్తున్నాయి.
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
