నితిన్ – సుకుమార్ కాంబినేషన్లో ఓ చిత్రం తెరకెక్కబోతుందని గత కొంత కాలంగా వార్తలు వస్తున్నాయి. అయితే సుకుమార్ డైరెక్షన్లో కాదు తన బ్యానర్ అయిన ‘సుకుమార్ రైటింగ్స్’ సంస్థలో సహ నిర్మాతగా వ్యవహరించనున్నాడన్న మాట …! సుకుమార్ శిష్యుడు పలనాటి సూర్య ప్రతాప్ డైరెక్షన్లో ఈ చిత్రం తెరకెక్కాల్సి ఉంది. గతంలో ఈ డైరెక్టర్ ‘కరెంట్’ ‘కుమారి 21 F’ చిత్రాల్ని తెరక్కించాడు. అయితే ఎప్పుడో మొదలు కావాల్సిన ఈ చిత్రం ఇంకా మొదలు కాకపోవడంతో పలు అనుమానాలు వ్యక్తమవుతున్నాయి.
దీనికి అసలు కారణం పరిశీలిస్తే … ఈ చిత్రానికి మొదటి నిర్మాతగా అల్లు అరవింద్ వ్యవహరిస్తున్నాడు. అయితే అల్లు అరవింద్ కు ఈ కథ, కథనాలు నచ్చలేదంట. ఈ కారణంగానే ఈ చిత్రం ఇంకా సెట్స్ పైకి వెళ్ళలేదని స్పష్టమవుతుంది. సుకుమార్ కి… హీరో నితిన్ కి… సూర్యప్రతాప్ వినిపించిన కథ నచ్చింది.. అయితే అసలు డబ్బులు పెట్టే నిర్మాత కి నచ్చలేదు కాబట్టి… ఈ చిత్రాన్ని స్వయంగా సుకుమారే నిర్మించాలని చూస్తున్నాడట. అయితే దీని పై ఇంకా ఎలాంటి అధికారిక ప్రకటన రాలేదు. మరి చివరికి ఏం జరుగుతుందో చూడాలి..!
Home