హీరోయిన్లు – పెళ్లి కబుర్లు ఈ మధ్య టాలీవుడ్‌లో ఎక్కువగా ఈ టాపిక్‌ వినిపిస్తోంది. ఈ క్రమంలో నిత్య మీనన్‌ గురించి కూడా ఇటీవల పుకారు వచ్చింది. నిత్య మీనన్‌కు త్వరలో పెళ్లి కాబోతోందని, ఓ మలయాళ నటుడిని పెళ్లి చేసుకోబోతోందని ఆ పుకార్ల సారాంశం. ఇండస్ట్రీలోకి వచ్చి చాలా రోజులవడం అలాగే ఆచితూచి సినిమాలు ఎంచుకోవడం నిత్య స్టైల్‌ అవ్వడంతో పెళ్లి చేసుకోబోతోందేమో అని అందరూ అనుకున్నారు. దీనిపై ఇటీవల నిత్య కూడా క్లారిటీ ఇచ్చింది.
తన వివాహం గురించి వచ్చిన వార్తలపై నిత్యా మీనన్‌ స్ట్రెయిట్‌గానే స్పందించి. తన పెళ్లి వార్తల్లో ఏ మాత్రం నిజం లేదు అంటూ ఆ వార్తల్ని ఖండించింది. తన పెళ్లి గురించి నిత్య ఓ ఆంగ్ల మీడియాతో మాట్లాడింది. ఏ విషయమైనా నిజమని తెలిశాకే, దాన్ని పబ్లిష్‌ చేయాలని ఆమె ఈ సందర్భంగా కోరింది. ముందుగా చెప్పినట్లు మలయాళ స్టార్ హీరోతో నిత్య మీనన్‌ ప్రేమలో ఉందని, త్వరలోనే పెళ్లి బంధంతో ఒక్కటవుతారని కూడా అన్నారు.
సోషల్‌ మీడియాలో ఈ విషయం వైరల్ కావడంతో మీడియాలోకి కూడా వచ్చేసింది. ఇప్పుడు నిత్య దీనిపై క్లారిటీ ఇచ్చేసింది. దీంతో నిత్య పెళ్లి గురించి ఇంకొన్నాళ్ల వరకు ఎలాంటి వార్తలు వచ్చే అవకాశం లేదు. పెళ్లి గురించి ఇలా చెప్పడంతోపాటు ఎప్పుడు చేసుకుంటుంది అనే విషయం కూడా చెప్పేసి ఉంటే బాగుండేది. ఇక నిత్య మేనన్‌ ఇటీవల ‘భీమ్లా నాయక్’ సినిమాతో ప్రేక్షకుల ముందుకొచ్చింది. ఆమె నటించిన 19(1)(a) అనే మలయాళ సినిమా త్వరలో విడుదలవుతోంది.
డిస్నీ ప్లస్‌ హాట్‌స్టార్‌లో ఈ సినిమాను స్ట్రీమ్‌ చేయనున్నారు. ఇది కాకుండా నిత్య మీనన్‌ ‘తిరుచిత్రంబళం’ అనే తమిళ సినిమా, ‘ఆరామ్‌ తురికల్పన’ అనే మలయాళం సినిమాలో నటిస్తోంది. ఇక ఆహాలో నిత్య ఇటీవల ‘తెలుగు ఇండియన్‌ ఐడల్‌’కి జడ్జిగా కూడా చేసింది. రెండో సీజన్‌ మొదలుపెడితే అందులో కూడా చేస్తుందో లేదా చూడాలి. ఈలోపు ఓటీటీలో 19(1)(a) చూసేయడమే.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
Home