Nithya Menen, Prabhas: నా అమాయకత్వంతో ఆడుకున్నారు.. నిత్యామీనన్ కామెంట్స్!

‘అలా మొదలైంది’ సినిమాతో టాలీవుడ్ లో హీరోయిన్ గా ఎంట్రీ ఇచ్చింది నిత్యామీనన్. అప్పట్లో ఓ ఇంటర్వ్యూలో పాల్గొన్న ఆమెని ప్రభాస్ గురించి ప్రశ్నించారు. నిజానికి అప్పటికి నిత్యామీనన్ కి తెలుగు ఫిలిం ఇండస్ట్రీ గురించి పెద్దగా తెలియదు. మెగాస్టార్, బాలయ్య లాంటి హీరోల గురించి తెలిసి ఉంటుంది కానీ ప్రభాస్ గురించి బహుశా ఆమె విని ఉండదు. అప్పటికి ప్రభాస్ స్టార్ అని చెప్పలేం. టాప్ హీరోల్లో ఒకరిగా ఉన్నారంతే. అయితే నిత్యామీనన్ ప్రభాస్ ఎవరో తెలియదని చెప్పడంతో ప్రభాస్ ఫ్యాన్స్ ఆమెని బాగా ట్రోల్ చేశారు.

అయితే చాలా ఏళ్ల తరువాత ఈ ఇష్యూపై స్పందించింది నిత్యామీనన్. ఇండస్ట్రీలో తనకు దెబ్బ తగిలింది ప్రభాస్ విషయంలోనేనని.. ఆ ఇష్యూ తనను మానసికంగా ఇబ్బంది పెట్టిందని.. జర్నలిస్ట్ అలా రాయడంతో హర్ట్ అయ్యానని చెప్పుకొచ్చింది నిత్యామీనన్. అప్పటికి తను చాలా చిన్నదాన్ని అని.. అందరితో సరదాగా ఉండేదాన్ని అని.. ఎవరేంటో కూడా సరిగ్గా తెలియదని చెప్పింది. తెలుగు సినిమాలు చూడలేదని.. తెలుగు కూడా సరిగ్గా రాదని చెప్పింది. ఆ సమయంలో ప్రభాస్ గురించి అడిగితే తెలియదని చెప్పానని.. ఆ విషయాన్ని పెద్దది చేసి.. నా అమాయకత్వంతో ఆడుకున్నారని వాపోయింది.

ఏదో పెద్ద తప్పు చేసినట్లుగా.. న్యూస్ క్రియేట్ చేశారని.. ఆ ఇష్యూతోనే అన్ని చోట్ల హానెస్ట్ గా ఉండకూడదని తెలుసుకున్నానని చెప్పింది. కానీ తను డిప్లమాటిక్ పెర్సన్ ని కాదని చెప్పుకొచ్చింది. తెలుగులో ఈ బ్యూటీ ‘ఇష్క్’, ‘గుండెజారి గల్లంతయ్యింతే’, ‘మళ్లీ మళ్లీ ఇది రానిరోజు’, ‘జనతా గ్యారేజ్’ లాంటి హిట్టు సినిమాల్లో నటించింది. రీసెంట్ గా ఈ బ్యూటీ నటించిన ‘స్కైలాబ్’ సినిమా ప్రేక్షకుల ముందుకు వచ్చింది. ప్రస్తుతం నిత్యామీనన్.. పవన్ కళ్యాణ్ సరసన ‘భీమ్లానాయక్’ అనే సినిమాలో నటిస్తోంది. వచ్చే ఏడాదిలో ఈ సినిమా ప్రేక్షకుల ముందుకు రానుంది.

అఖండ సినిమా రివ్యూ & రేటింగ్!

Most Recommended Video

‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!