మొత్తానికి నివేదా పేతురేజ్ బంపర్ ఆఫర్ కొట్టేసింది?

కోలీవుడ్ లో వరుస చిత్రాలు చేస్తూ బిజీగా ఉన్న నివేదా పేతురేజ్… ‘మెంటల్ మదిలో’ చిత్రంతో టాలీవుడ్ కు ఎంట్రీ ఇచ్చింది. మొదటి చిత్రంతోనే ఇక్కడ మంచి పేరు సంపాదించుకుంది. ఇటీవల సాయి తేజ్ నటించిన ‘చిత్రలహరి’ చిత్రం కూడా మంచి విజయం సాధించడంతో ఈ భామ క్రేజ్ మరింత పెరిగింది. శ్రీవిష్ణు హీరోగా నటిస్తున్న ‘బ్రోచేవారెవరురా’ చిత్రంలో ఓ కీలక పాత్ర పోషిస్తున్న నివేదా త్వరలోనే మరో మెగా హీరో చిత్రంలో నటించడానికి కూడా రెడీ అయ్యిందట. ఇంతకీ ఎవరా మెగా హీరో.. ఏంటా ఆ చిత్రమనేది చర్చనీయాంశం అయ్యింది.

• కిల్లర్ సినిమా రివ్యూ కోసం ఇక్కడ క్లిక్ చెయ్యండి
• హిప్పీ సినిమా రివ్యూ కోసం ఇక్కడ క్లిక్ చెయ్యండి
• సెవెన్ సినిమా రివ్యూ కోసం ఇక్కడ క్లిక్ చెయ్యండి
• సీత సినిమా రివ్యూ కోసం ఇక్కడ క్లిక్ చెయ్యండి

అందుతున్న సమాచారం ప్రకారం.. స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ శ్రీనివాస్ కాంబినేషన్ లో తెరకెక్కబోతున్న చిత్రంలో ఓ హీరోయిన్ గా నివేదా ను ఎంచుకున్నారని సమాచారం. ఇటీవలే ఈ చిత్రం సెకండ్ షెడ్యూల్ మొదలైంది. ఈ చిత్రంలో ఇప్పటికే పూజా హెగ్దే ను ఫైనల్ చేసారు.అంటే నివేదా సెకండ్ హీరోయిన్ అని అర్థం. త్వరలో నివేథా ఈ చిత్రం షూటింగ్ లో జాయిన్ కాబోతోందని సమాచారం.