చాలా రోజులుగా ఫ్యాన్స్ అడుగుతున్న అప్డేట్ నిన్న ప్రభాస్ పంచుకోవడం జరిగింది. ఆయన లేటెస్ట్ మూవీ టైటిల్ మరియు ఫస్ట్ లుక్ విడుదల చేసి వారి దాహం తీర్చారు. ఈ అప్డేట్ కోసం ప్రభాస్ ఫ్యాన్స్ పెద్ద యుద్ధమే చేశారు. సోషల్ మీడియా వేదికగా నిర్మాతలను తిట్టిపోశారు. నిన్న బాహుబలి విడుదలై ఐదేళ్లు పూర్తి చేసుకున్న సంధర్భాన్ని పురస్కరించుకొని ఫస్ట్ లుక్ అండ్ టైటిల్ విడుదల చేశారు. ఇక చాలా కాలంగా ప్రచారంలో ఉన్న రాధే శ్యామ్ అనే టైటిల్ గా నిర్ణయించారు.
ఫస్ట్ లుక్ పోస్టర్ లో రిచ్ గెటప్స్ లో రొమాంటిక్ పోజిస్తున్న ప్రభాస్ మరియు పూజా హెగ్డే ల లుక్ అదిరింది. కాగా ఈ ఫస్ట్ లుక్ చూసిన ప్రభాస్ ఫ్యాన్స్ మదిలో కొత్త డౌట్ మొదలైందట. ప్రభాస్ గత చిత్రాలకు భిన్నంగా ఇది క్లాసిక్ లవ్ స్టోరీ అయ్యే అవకాశం కలదని చాలా మంది అభిప్రాయం. కేవలం ఎమోషన్స్ ఆధారంగా సాగే సెన్సిబుల్ లవ్ స్టోరీ అని ప్రచారం జరుగుతుంది. ఈ నేపథ్యంలో ప్రభాస్ మార్కు భారీ ఫైట్స్ మరియు మాస్ సన్నివేశాలు మరియు డైలాగ్స్ ఉండే అవకాశం లేదనిపిస్తుంది.
కథా ప్రధానంగా నడిచే రాధే శ్యామ్ మూవీలో, రెగ్యులర్ కమర్షియల్ అంశాలు ఉండవేమో అని చాలా మంది సందేహిస్తున్నారు. ప్రభాస్ మూవీ అంటే భారీ ఫైట్స్ మరియు మేనరిజం, హీరోయిజం ఆశించడం అనేది కామన్. కాబట్టి ఒకవేళ అవేమి లేని పక్షంలో ప్రభాస్ ఫ్యాన్స్ కి నిరాశ తప్పదు. మరి ఆ రెండు విషయాలు దర్శకుడు రాధా కృష్ణ ఎలా బ్యాలన్స్ చేస్తాడో చూడాలి.
Most Recommended Video
ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!
