ఎన్టీఆర్ ఫ్యాన్స్ బ్యాడ్ లక్…ఇంకొద్ది నెలలో కొమరం భీమ్ గా ఫస్ట్ లుక్ చూస్తామ్ అనగా లాక్ డౌన్ అడ్డు పడింది. లాక్ డౌన్ ఉన్నప్పటికీ మే 27న చరణ్ పుట్టినరోజు నాడు అల్లూరి సీతారామరాజుగా ఆయన ఫస్ట్ లుక్ విడుదల చేశారు. ఆ ఫస్ట్ లుక్ చరణ్ అభిమానులను విపరీతంగా ఆకట్టుకుంది. దీనితో ఎన్టీఆర్ ఫ్యాన్స్ కి కూడా ఆయన ఫస్ట్ లుక్ పై అంచనాలు మరింతగా పెరిగిపోయాయి. దానితో ఎన్టీఆర్ బర్త్ డే మే 20 కోసం వేయికళ్లతో ఎదురు చూశారు.
లాక్ డౌన్ ఉన్నప్పటికీ అప్పటికే ఆర్ ఆర్ ఆర్ 70 శాతానికి పైగా షూటింగ్ జరుకుపుకుందని స్వయంగా నిర్మాతలు చెప్పడంతో ఎన్టీఆర్ ఫస్ట్ లుక్ రావడం గ్యారంటీ అని అందరూ ఫిక్స్ అయ్యారు. తీరా ఆ మే 20కి ముందు రోజు ఎన్టీఆర్ ఫస్ట్ లుక్ వీడియో లేదంటూ ఆర్ ఆర్ ఆర్ టీమ్ చావు కబురు చల్లగా చెప్పారు. అత్యుత్తమ అవుట్ పుట్ తో మీ ముందుకు వస్తాం.. క్షమించాలని సంజాయిషీ ఇచ్చుకున్నారు.
ఐతే ఆర్ ఆర్ ఆర్ షూటింగ్ తిరిగి మొదలైన వెంటనే కొమరం భీమ్ ఫస్ట్ లుక్ విడుదల చేస్తాం అని హామీ ఇచ్చారు. కానీ పరిస్థితి చూస్తుంటే ఇప్పట్లో ఎన్టీఆర్ ఫస్ట్ లుక్ కష్టమే అనిపిస్తుంది. అసలు 2020లో ఆర్ ఆర్ ఆర్ షూటింగ్ మొదలవుతుందా అని డౌట్ కొడుతున్న తరుణంలో ఎన్టీఆర్ ఫస్ట్ లుక్ వీడియోపై ఫ్యాన్స్ అసలు వదిలేసుకోవడమే బెటర్ అని తెలుస్తుంది.
Most Recommended Video
40 ఏళ్ళ వయసొచ్చినా.. పెళ్లి గురించి పట్టించుకోని హీరొయిన్స్..!
విడాకులతో కోట్లకు పడగెత్తిన సెలెబ్రిటీలు!
ఈ సూపర్ హిట్లను మిస్ చేసుకున్న టాలీవుడ్ హీరోలు..?
