‘సంక్రాంతికి వస్తాం, వచ్చేస్తాం, వేరే మాటే లేదు..’ అంటూ ‘గుంటూరు కారం’ సినిమా యూనిట్‌ అవకాశం దొరికినప్పుడల్లా చెబుతూనే ఉంది. ఆ సినిమా ప్రెస్‌ మీట్‌, వేరే సినిమా ప్రెస్‌ మీట్‌ అనే తేడా లేకుండా అదే మాట చెబుతూనే ఉన్నారు. వచ్చే సంక్రాంతికి రావాలి అనేది వీరి ఆలోచన. వచ్చాక నాన్‌ ‘బాహుబలి’ రికార్డులు బద్దలు కొట్టాలి అనేది మరో ఆలోచన. ఇవన్నీ తెలిసిన విషయాలే… కొత్తగా ఏమైనా చెప్పండి అంటారా? అవును కొత్త అప్‌డేట్స్‌ కోసం ప్రయత్నిస్తే పైన చెప్పిన విషయాలు తప్ప ఇంకేమీ తెలియడం లేదు.
నిజానికి ‘గుంటూరు కారం’ (Guntur Kaaram) సినిమాను చాలా రోజుల క్రితమే ప్రకటించారు. ఎప్పుడో ప్రారంభించారు కూడా. అయితే వివిధ కారణాల వల్ల సినిమాల ఆలస్యమవుతూ వచ్చింది. మొదలుపెట్టాక కూడా కొన్ని కారణాల వల్ల వాయిదా పడింది. ఏకంగా కథే మార్చారు అనే విషయం కూడా బయటకు వచ్చింది. హీరోయిన్‌ను కూడా మార్చారు అనుకోండి. ఇప్పుడు అప్‌డేట్‌లకు సంబంధించి మాట అయితే మారుస్తున్నారు అంటున్నారు ఫ్యాన్స్‌. ఎందుకంటే దసరాకు సినిమా నుండి ఎలాంటి అప్‌డేట్‌ రావడం లేదు కాబట్టి.
మీరు చదివింది కరెక్టే.. దసరాకు కానీ, ఆ సందర్భంగా కానీ సినిమా టీమ్‌ నుండి ఎలాంటి అప్‌డేట్‌ ఉండదు. అయితే నవంబరు నుండి జనవరి వరకు ‘గుంటూరు కారం’ ఘాటు చూపిస్తాం అంటూ సంగీత దర్శకుడు తమన్‌ ట్వీట్‌ చేశారు. దీంతో నెటిజన్లకు, మహేష్‌ అభిమానులకు ఓ డౌట్ వస్తోంది. అదే గట్టిగా చూస్తే ఈ సినిమా పనులు పూర్తవ్వడానికి 70 రోజులు ఉంది. ఇక టీమేమో 40 రోజుల షూటింగ్‌ ఇంకా చేయాల్సి ఉంది అంటున్నారు. మరి గ్యాప్స్‌, పాజ్‌ల మధ్య టైమ్‌ సరిపోతుందా అనేదే ప్రశ్న.
డిసెంబరులో శ్రీలీల అందుబాటులో ఉండదు అంటున్నారు. ఇక మహేష్‌ బాబు మధ్యలో ఫ్యామిలీతో ట్రిప్‌కు వెళ్తారు అని చెబుతున్నారు. మరి ఇవన్నీ కలుపుకుంటే… సినిమాకు టైమ్‌ సరిపోతుందా అనేదే ప్రశ్న. ఏదో కంగారుగా చుట్టేస్తే ఇబ్బంది పడతాం అనేది వారి భయం. కానీ టీమ్‌ మాత్రం అంతా పక్కాగా ప్లానింగ్‌లో ఉందని చెబుతున్నారు. అందుకే తమన్‌ ప్రతి నెలా ఒక అప్‌డేట్‌ లెక్కన వచ్చే నెల నుండి వరుస మజా అని ట్వీట్‌ చేశారు అంటున్నారు.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
