సైలెంట్ గా రాంచరణ్ తో (Ram Charan) సినిమా చేసే ఛాన్స్ కొట్టేశాడు ‘ఉప్పెన’ (Uppena) దర్శకుడు బుచ్చిబాబు (Buchi Babu). 2021 లో రిలీజ్ అయిన ‘ఉప్పెన’ పెద్ద బ్లాక్ బస్టర్ అయ్యింది. ఈ సినిమా తర్వాత మధ్యలో 2 ఏళ్ళు ఖాళీగా ఉన్నాడు. ఆ టైంలో ఎన్టీఆర్ తో సినిమా చేస్తాడనే ప్రచారం గట్టిగా జరిగింది. కానీ ఎన్టీఆర్ కాల్షీట్స్ ఖాళీగా లేకపోవడం వల్ల బుచ్చిబాబు చరణ్ వద్దకు వెళ్లడం.. ప్రాజెక్టు ఓకే అవ్వడం వెంటవెంటనే జరిగిపోయాయి.
చరణ్ ఇప్పుడు గ్లోబల్ స్టార్ గా ఎదిగాడు కాబట్టి.. బుచ్చిబాబు సినిమాకి పెద్ద సెటప్ దొరికినట్టు అయ్యింది. హీరోయిన్ గా జాన్వీ కపూర్ (Janhvi Kapoor) చేస్తుంది. రెహమాన్(A.R.Rahman) సంగీతం అందించబోతున్నాడు. శివరాజ్ కుమార్ (Shiva Rajkumar) ఓ స్పెషల్ రోల్ చేస్తున్నాడు. సో ఈ ప్రాజెక్టుని కనుక కరెక్ట్ గా హ్యాండిల్ చేసి హిట్ కొడితే 25 సినిమాల అనుభవం ఉన్న దర్శకులతో సమానంగా బుచ్చిబాబుని చూస్తారు ఇండస్ట్రీ జనాలు అనడంలో సందేహం లేదు. అంతా బాగానే ఉంది కానీ.. రాంచరణ్ సినిమాలో కథ ప్రకారం విలన్ ఉండడు అనేది ఇన్సైడ్ టాక్.
అవును ఇది కోస్టల్ బ్యాక్ డ్రాప్ లో రూపొందుతున్న సినిమా. రాంచరణ్ లుక్ కూడా ‘రంగస్థలం’ (Rangasthalam)కి మించి మాస్ గా ఉండబోతుందట. ఆయన పాత్ర కూడా నెక్స్ట్ లెవెల్లో డిజైన్ చేసినట్లు టాక్. కానీ ఇందులో విలన్ పాత్ర ఉండదట. అదే ఈ సినిమా స్పెషాలిటీ అని సమాచారం. అంతేకాదు కొంతవరకు అది రిస్క్ అని కూడా చెప్పాలి. ఎందుకంటే రాంచరణ్ వంటి మాస్ హీరో సినిమాలో విలన్ లేకపోతే కమర్షియల్ ఎలిమెంట్స్ మిస్ అయ్యే ఛాన్స్ కూడా లేకపోలేదు.
విజయ్ కారు ధ్వంసం.. కారణం?
‘ఉస్తాద్ భగత్ సింగ్’ నుండీ మరో గ్లింప్స్ వచ్చేసింది.. ఎలా ఉందంటే?
Home