ఖరారైన ఎన్టీఆర్, బాబీ మూవీ ఓపెనింగ్ తేదీ

యంగ్ టైగర్ ఎన్టీఆర్ నెక్ట్స్ మూవీ ప్రారంభానికి ముహూర్తం కుదిరింది. బాబీ దర్శకత్వంలో తెరకెక్కనున్న మూవీ ఓపెనింగ్ తేదీని ఫిక్స్ చేశారు. ఎన్టీఆర్ ఆర్ట్స్ బ్యానర్లో రూపుదిద్దుకోనున్న ఈ ఫిల్మ్ ని తొందరగా పట్టాలెక్కించడానికి నిర్మాత కళ్యాణ్ రామ్ చేసిన ప్రయత్నాలు ఫలించాయి. జనవరి 26 న పూజా కార్యక్రమాలు నిర్వహించాలని డిసైడ్ అయ్యారు. అప్పుడే ఈ చిత్రం నటీనటులు టెక్నీషియన్ల గురించి వెల్లడించనున్నారు. ఇప్పటివరకు సోషల్ మీడియాలో ప్రచారంలో ఉన్న సమాచారం మేరకు ఈ చిత్రంలో ఎన్టీఆర్ మూడు పాత్రల్లో కనిపించనున్నట్లు టాక్. అందుకు తగ్గట్టుగా నట విశ్వరూప అనే టైటిల్ ని పరిశీలించినట్లు తెలిసింది.

ఇందులో హీరోయిన్స్ గా కాజల్ అగర్వాల్, మంజిమ మోహన్, అనుపమ పరమేశ్వరన్ నటిస్తారని, వందకోట్ల బడ్జెట్ తో ఎంతో ప్రతిష్టాత్మకంగా తీస్తున్న ఈ మూవీలో హరికృష్ణ, కళ్యాణ్ రామ్ కూడా కీలక పాత్రల్లో కనిపించనున్నారని ఫిలిం నగర్ వాసులు చెప్పుకుంటున్నారు. ఈ విషయాల్లో ఎంత వరకు నిజాలు ఉన్నాయో జనవరి 26 న తేలిపోనుంది.  ఈ చిత్రం తర్వాత ఎన్టీఆర్, మాటల మాంత్రికుడు త్రివిక్రమ్ శ్రీనివాస్ డైరక్షన్లో సినిమా చేయనున్నారు.

Also, do SUBSCRIBE to our YouTube channel to get latest Tollywood updates.