తెలుగు చలనచిత్ర పరిశ్రమకు తొలి తరం స్టార్ హీరోలైన నందమూరి తారకరామారావు, అక్కినేని నాగేశ్వరరావు కలిసి నటించిన మిస్సమ్మ, గుండమ్మ కథ సినిమాలు ఘనవిజయం సాధించాయి. అప్పటి నుంచి ఇప్పటివరకు మల్టీ స్టారర్ మూవీలకు క్రేజ్ తగ్గలేదు. అందుకే ఆ కుటుంబాలకు చెందిన మూడో తరం హీరోలైన తారక్, నాగచైతన్యతో సినిమా తెరకెక్కించాలని చాలా మంది ప్రయత్నించి విఫలమయ్యారు. నందమూరి, అక్కినేని ఫ్యామిలీ హీరోలతో మల్టీస్టారర్ మూవీ కోసం అభిమానులు ఎప్పటి నుంచో ఎదురుచూస్తున్నారు. ఈ ఇద్దరి హీరోలకు సూటయ్యే కథను రెడీ చేయడంలో డైరక్టర్ వంశీ పైడిపల్లి విజయం సాధించినట్లు సమాచారం.
నాగార్జున, తారక్ లకు కొత్తగా ఓ స్టోరీ చెప్పారని, అది వారికి నచ్చడంతో గ్రీన్ సిగ్నల్ ఇచ్చారని తెలిసింది. ఇది వరకు వంశీ తెరకెక్కించిన ఊపిరిలో నాగార్జునతో పాటు ఎన్టీఆర్ ని నటింపజేయాలని ప్రయత్నించారు. కానీ ఎన్టీఆర్ ఒప్పుకోకపోవడంతో ఆ క్యారక్టర్ లో కార్తీ వచ్చారు. ఈ సారి మాత్రం ఇద్దరినీ ఒకే ఫ్రేమ్ బంధించడానికి సిద్దమయిపోయారు. సూపర్ స్టార్ మహేష్ బాబుతో సినిమాను వంశీ కంప్లీట్ చేసిన తర్వాత మల్టీ స్టారర్ మూవీని పట్టాలెక్కించనున్నారు.
Also, do SUBSCRIBE to our YouTube channel to get latest Tollywood updates.
