దర్శకేంద్రుడు ఎస్.ఎస్.రాజమౌళి వెండి తెరపై సృష్టించిన అద్భుత కళాఖండం బాహుబలి. ఈ చిత్రాన్ని అన్ని రకాల బీట్ చేసే సినిమా రానుంది. రాజమౌళి గురువు కె. రాఘవేంద్ర రావు ఈ మూవీని తెరకెక్కించనున్నారు. ఇందులో హీరోగా యంగ్ టైగర్ ఎన్టీఆర్ ఫిక్స్ అయ్యారు. గతంలో మహానటుడు నందమూరి తారక రామారావు తో ఎన్నో హిట్ చిత్రాలను తీసిన దర్శకేంద్రుడు ఇప్పుడు జూనియర్ ఎన్టీఆర్ తో భారీ ప్రాజక్ట్ చేయనున్నారు.
కె. రాఘవేంద్ర రావు ప్రస్తుతం కింగ్ అక్కినేని నాగార్జునతో “ఓం నమో వెంకటేశాయ” చిత్రాన్ని రూపొందిస్తున్నారు. ఈ భక్తిరస చిత్రం పూర్తి కాగానే తెలుగు సినీ పరిశ్రమ రికార్డులను చెరిపివేసే సినిమా పనులను మొదలు పెట్టనున్నారు. ఇప్పటికే ఎన్టీఆర్ కి కథను చెప్పడం, ఆయన ఒకే అనడం జరిగి పోయాయి. ఇది పౌరాణిక చిత్రమని ఇందుకోసం భారీ సెట్స్ వేయడమే కాకుండా, ఎంతోమంది వీఎఫ్ఎక్స్ నిపుణులు పని చేయనున్నట్లు సమాచారం. ఈ చిత్రం ఎప్పుడెప్పుడు మొదలవుతుందా? అని తారక్ తో పాటు అయన అభిమానులు ఎదురుచూస్తున్నారు.
