ఎన్టీఆర్, బాలయ్య ఆలోచనకు షాక్ లో విజయ్ దేవరకొండ

తెలుగు చిత్ర పరిశ్రమలో విజయ్ దేవరకొండ జోరు మామూలుగా లేదు. అతని సినిమాలు ఊహించినదానికంటే ఎన్నోరెట్లు కలక్షన్స్ రాబడుతుండడంతో చెలరేగిపోతున్నారు. తాజాగా తమిళంలోనూ తన హవా చూపించాలని నోటా అనే ద్విభాషా చిత్రాన్ని చేస్తున్నారు. ఇంతవరకు బాగానే ఉంది గానీ విజయ్ తనపై ఉన్న కాన్ఫిడెంట్ తో యంగ్ టైగర్ ఎన్టీఆర్ కి పోటీకొస్తున్నారు. ప్రస్తుతం తారక్ త్రివిక్రమ్ దర్శకత్వంలో అరవింద సమేత వీర రాఘవ సినిమాని చేస్తున్నారు. హారిక అండ్ హాసిని బ్యానర్లో రాధాకృష్ణ నిర్మిస్తున్న ఈ చిత్రాన్ని దసరా కానుకగా అక్టోబర్ 11 న రిలీజ్ చేయాలనీ ఫిక్స్ అయ్యారు. ఆ డేట్ లో మార్పు ఉండకూడదని అందరూ బాగా కష్టపడుతున్నారు. ఆ దసరాకే నోటా రిలీజ్ అవుతోంది. దీంతో ఎన్టీఆర్ తన సత్తా చూపించబోతున్నారు.

ఈసారి తారక్ తోడు బాబాయ్ బాలయ్య కలిశారు. అరవింద మూవీ కి క్రేజ్ తీసుకురావడానికి బాలకృష్ణ, ఎన్టీఆర్ తో కలిసి నడవడానికి వస్తున్నారు. ఈ మూవీ ఆడియో వేడుకని ఈ నెల 20 న నిర్వహించనున్నారు. ఈ కార్యక్రమానికి బాలకృష్ణ వస్తున్నట్లు తెలిసింది. సో ఇలా బాబాయ్ , అబ్బాయి కలిసి విజయ్ దేవరకొండ కి గట్టి షాక్ ఇవ్వబోతున్నారు. తమ క్రేజ్ తో విజయ్ కి జోరుకి బ్రేక్ ఇవ్వనున్నారు. త్రివిక్రమ్ తొలిసారి ఎన్టీఆర్ తో సినిమా చేస్తున్నారు. అసలే అంచనాలు ఓ రేంజ్ లో ఉన్నాయి. అంతేకాకుండా బాలకృష్ణ, ఎన్టీఆర్ తో కలవడంతో నందమూరి అభిమానులందరూ ఒక్కటైపోయి.. థియేటర్లలో పోటెత్తనున్నారు. ఈ అభిమానుల ప్రవాహాన్ని నోటా ఎంతమేర తట్టుకుంటుందో చూడాలి.