‘ఎన్.బి.కె ఫిలిమ్స్’ మరియు ‘వారాహి చలన చిత్రం బ్యానర్ల పై నందమూరి బాలకృష్ణ, సాయి కొర్రపాటి సంయుక్తంగా నిర్మించిన ‘ఎన్టీఆర్ బయోపిక్’ ట్రైలర్ రికార్డు క్రియేట్ చేసింది.క్రిష్ దర్శకత్వంలో బాలకృష్ణ కథానాయకుడుగా.. ఎన్టీఆర్ బయోపిక్ ను రెండు భాగాలుగా నిర్మించిన సంగతి తెలిసిందే. ఈ చిత్రం మొదటి భాగం ‘ఎన్టీఆర్ – కథానాయకుడు’ ను సంక్రాంతి కానుకగా జనవరి 9వ తేదీన విడుదల చేస్తుండగా….. ఫిబ్రవరి 7వ తేదీన ‘మహానాయకుడు’ను విడుదల చేయనున్నారు.
ఇందులో భాగంగా.. ఇటీవల ఈ సినిమా ప్రీ రిలీజ్ ఈవెంట్ ను ఘనంగా నిర్వహించిన సంగతి తెలిసిందే. ఇదే వేడుకలో ఈ సినిమా ట్రైలర్ ను రిలీజ్ చేశారు. ఈ ట్రైలర్ కి ఇప్పటివరకూ 10 మిలియన్ వ్యూస్ సాధించి రికార్డు సృష్టించింది. ట్రైలర్ తోనే ఈ చిత్రం పై భారీ అంచనాలు ఏర్పడ్డాయి. కీరవాణి అందించిన నేపధ్య సంగీతానికి, బుర్రా సాయిమాధవ్ అందించిన సంభాషణలు అందరినీ అలరించాయనే చెప్పాలి. ‘ఎన్టీఆర్’ పాత్రలో బాలకృష్ణ గెటప్స్ ఈ సినిమాకి ప్రత్యేక ఆకర్షణగా నిలవనున్నాయట. విద్యాబాలన్, రకుల్, నిత్యామీనన్, హన్సిక,రానా,సుమంత్, కల్యాణ్ రామ్ ప్రధాన పాత్రల్లో పోషించారు.
