ఎన్టీఆర్, బాబీ మూవీకి కథకు తగ్గ టైటిల్

యంగ్ టైగర్ ఎన్టీఆర్ 27 వ చిత్రం గురించి కళ్యాణ్ రామ్ ప్రకటించినప్పటి నుంచి ఒక్కో వార్త బయటికివస్తోంది. మేము చెప్పేవరకు వేటిని నమ్మవద్దని నిర్మాణ సంస్థ స్పష్టం చేసినప్పటికీ న్యూస్ ఆగడం లేదు. తాజగా ఈ చిత్రానికి సంబంధించిన ఆసక్తికర విషయం ఫిల్మ్ నగర్లో చక్కర్లు కొడుతోంది. ఎన్టీఆర్ ఆర్ట్స్ బ్యానర్లో తొలిసారి తారక్ నటిస్తున్న ఈ ఫిల్మ్ కి టైటిల్ ని ఫిక్స్ చేసినట్లు తెలిసింది.  పవర్, సర్దార్ గబ్బర్ సింగ్ ఫేమ్ బాబీ దర్శకత్వంలో తెరకెక్కనున్న ఈ మూవీలో యంగ్ టైగర్ మూడు పాత్రల్లో మెప్పించనున్నారు.

పాత్రకు తగినట్లు సినిమా పేరుని డైరక్టర్ సెలక్ట్ చేశారు. “త్రిమూర్తులు” అనే టైటిల్ సరిగ్గా సూటవుతుందని హీరో ఎన్టీఆర్, నిర్మాత కళ్యాణ్ రామ్ లకు సూచించారు. వారు అలోచించి త్వరలో నిర్ణయం తీసుకోనున్నారు. ఫిబ్రవరి నుంచి సెట్స్ మీదకు వెళ్లనున్న ఈ చిత్రంలో కాజల్ అగర్వాల్, అనుపమ పరమేశ్వరన్, మంజిమ మోహన్ లు కథానాయికలుగా నటిస్తుండగా, కీలక పాత్రలో రమ్యకృష్ణ కనిపించనున్నట్లు సమాచారం.

Also, do SUBSCRIBE to our YouTube channel to get latest Tollywood updates.