జనతా గ్యారేజ్ సినిమా తర్వాత యంగ్ టైగర్ ఎన్టీఆర్ చేయనున్న మూవీ వివరాలను నిర్మాత కళ్యాణ్ రామ్ ప్రకటించి 24 గంటలు కూడా గడవక ముందే కథలో కీలక పాయింట్ బయటికి వచ్చింది. దర్శకుడు బాబీ చెప్పిన కథలో ఆ పాయింట్ నచ్చే అతనికి తారక్ అవకాశం ఇచ్చినట్లు ఫిల్మ్ నగర్ వాసులు చెప్పుకుంటున్నారు. ఇంతకీ ఆ విషయం ఏమిటంటే.. ఎన్టీఆర్ ఆర్ట్స్ బ్యానర్లో నిర్మితంకానున్న ఈ మూవీలో ఎన్టీఆర్ మూడు వేరియేషన్లో కనిపించనున్నారు. ఒకరే ముగ్గురిగా నటిస్తారా, త్రి పాత్రాభినయం చేస్తారా? అనే దానిలో క్లారిటీ లేదు కానీ.. నటనలో మూడు వేరియేషన్లు ఉండడం మాత్రం పక్కా అని తెలిసింది.
కథలో ఈ ట్విస్టులు అందరినీ ఆశ్చర్యానికి గురి చేస్తాయని సమాచారం. ఇది తెలిసి అభిమానులు ఆనందంలో ఉంటే ఎన్టీఆర్ చాలా కోపంగా ఉన్నారు. సినిమాలో అత్యంత కీలకమైన పాయింట్ ని ఎవరికీ చెప్పకుండా దాచాల్సింది పోయి .. ఇలా లీక్ చేస్తారా ? అని ఈరోజు దర్శకుడు బాబీ ని అడిగారు. ఇక నుంచి అయినా జాగ్రత్తగా ఉండమని సూచించారు. 60 కోట్లతో రూపుదిద్దుకోనున్న ఈ మూవీ సంక్రాంతి అనంతరం సెట్స్ మీదకు వెళ్లనుంది. హీరోయిన్ గా సమంతను, మ్యూజిక్ డైరక్టర్ గా అనిరుధ్ ని తీసుకోవాలని డైరక్టర్ ప్రయత్నిస్తున్నారు.
Also, do SUBSCRIBE to our YouTube channel to get latest Tollywood updates.
