మహానటుడు సీనియర్ ఎన్టీఆర్ కి 9 లక్కీ నంబర్. ఆయన కారుకి 9999 సంఖ్య ఉండేలా చూసుకున్నారు. జూనియర్ ఎన్టీఆర్ కి కూడా 9 అదృష్ట అంకె. అందుకోసమే అత్యధిక రేటు చెల్లించి తన కార్ కి 9999 నంబర్ ని సొంతం చేసుకున్నారు. ట్విట్టర్ లోను తారక్ 9999 అని పెట్టుకున్నారు. ఇప్పుడు తారక్ బాబీ దర్శకత్వంలో చేస్తున్న జై లవకుశ సినిమా తన కెరీర్ లో 27 వది. తేదీలోని అంకెలను కలిపితే 9 వస్తుంది. అందుకే తన అదృష్ట అంకె సినిమాని ఎన్టీఆర్ ఆర్ట్స్ బ్యానర్లో చేస్తున్నారు. అయితే చిత్ర బృందం ఆ విషయాన్ని దృష్టిలో పెట్టుకొని సినిమాకి సంబందించిన ప్రతి కీలక రిలీజ్ ని 9 అంకె వచ్చేలా ప్లాన్ చేస్తున్నారు.
ఎలాగంటే.. జై లవకుశ ఫస్ట్ లుక్ ని మే 19 న 3:15 గంటలకు రిలీజ్ చేశారు. సమయంలో అంకెలను కలిపితే 9 వస్తుంది. అలాగే జై టీజర్ ని 5:22 గంటలకు, లవ ఫస్ట్ లుక్ ని 10:35 కి, లవ టీజర్ ని 5:40 గంటలకు, ట్రైలర్ ని 6:30 గంటలకు, కుశ టీజర్ ని 8 వ తేదీ 10 గంటలకు (8 +1 +0 =9 ), ఇక స్వింగ్ జర ఐటెం సాంగ్ టీజర్ ని ఈరోజు 5:40 గంటలకు రిలీజ్ చేయనున్నారు. ఇలా అంకెలను కలిపితే 9 వచ్చింది. ఎన్టీఆర్ లక్కీ నంబర్ ఇలా చిత్ర బృందం ఫాలో అవుతూ నందమూరి అభిమానుల మెప్పు అందుకుంది.
Also, do SUBSCRIBE to our YouTube channel to get latest Tollywood updates.
