హిట్ డైరక్టర్ తో ఎన్టీఆర్ సిట్టింగ్స్

స్టార్ హీరోలు టైమ్ వేస్టు కాకుండా కెరీర్ ప్లాన్ చేసుకుంటున్నారు. పవర్ స్టార్ పవన్ కళ్యాణ్ ప్రస్తుతం కాటమరాయుడు సెట్స్ లో ఉండగానే మరో రెండు చిత్రాలను ఫైనల్ చేశారు. సూపర్ స్టార్ మహేష్ బాబు, ఏ ఆర్ మురుగదాస్ డైరక్షన్లో వస్తున్న మూవీ తర్వాత చేయనున్న మూడు చిత్రాలను ఇప్పుడే ప్రకటించారు. అలాగే యంగ్ టైగర్ ఎన్టీఆర్ కూడా నెక్స్ట్ సినిమాలను డిసైడ్ చేస్తున్నారు. ఈనెల 26 నుంచి బాబీ దర్శకత్వంలో ఆయన ఓ మూవీ చేయనున్నారు. ఎన్టీఆర్ ఆర్ట్స్ బ్యానర్లో తెరకెక్కనున్న ఈ మూవీ పూర్తి అయిన వెంటనే మాటల మాంత్రికుడు త్రివిక్రమ్ శ్రీనివాస్ తో  కలిసి నడవనున్నారు.

ఆ తర్వాత విక్రమ్ కుమార్ డైరక్షన్లో నటించేందుకు రంగం సిద్ధం చేస్తున్నారు. మనం, ‘24’ సినిమాలతో టాలీవుడ్, కోలీవుడ్ హీరోలను ఆకర్షించిన ఈ డైరక్టర్ ప్రస్తుతం అక్కినేని అఖిల్ తో ప్రాజక్ట్ చేస్తున్నారు. దీని తర్వాత ఎన్టీఆర్ తో కలిసి పయనించనున్నట్లు తెలిసింది. ఈ కథ చర్చల్లో విక్రమ్ కుమార్, ఎన్టీఆర్ తరచూ పాల్గొంటున్నట్లు ఫిలిం నగర్ వాసులు చెబుతున్నారు. ఈ స్టోరీ ఒకే అయితే ఎన్టీఆర్ 29 వ మూవీ కూడా ఖరారు అయిపోయినట్లే.

Also, do SUBSCRIBE to our YouTube channel to get latest Tollywood updates.