కోలీవుడ్ ఆఫర్ కొట్టేసిన ఈషా రెబ్బా ..!

ఇంద్రగంటి మోహన కృష్ణ డైరెక్షన్లో వచ్చిన ‘అంతకుముందు ఆ తరువాత’ చిత్రంతో టాలీవుడ్ కు పరిచయమయ్యింది ఈషా రెబ్బా. ఈ చిత్రం హిట్టయ్యి ఈషా కు మంచి పేరొచ్చింది. అలాగే ఆఫర్లు కూడా బాగానే వస్తున్నాయి… ఒక పెద్ద హీరో పక్కన చేసినా రాని క్రేజ్ ఈషా రెబ్బా కు ఉందనడంలో సందేహం లేదు. కానీ పెద్ద చిత్రాల్లో మాత్రం ఈ అమ్మడికి ఆఫర్లు రావడంలేదు. ‘అరవింద సమేత’ వంటి పెద్ద ఆఫర్ వచ్చినప్పటికీ… అది పెద్ద గుర్తింపు ఉన్న పాత్ర కాకపోవడంతో ఈషాకు పెద్దగా ఉపయోగం లేకుండా పోయింది. ఇక ఏదో వచ్చిన ఆఫర్లు అలా చేసుకుంటూ వెళ్ళిపోతుంది.

• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చేయండి
• సూర్యకాంతం రివ్యూ కోసం ఇక్కడ క్లిక్ చేయండి
• మెగా అభిమానులు నన్ను వాళ్ళ సొంత చెల్లెల్లా చూసుకుంటారు : నీహారిక కొణిదెల
• ఐరా రివ్యూ కోసం ఇక్కడ క్లిక్ చేయండి 

అయితే తాజాగా ‘ఢమరుకం’ ఫేమ్ శ్రీనివాస రెడ్డి డైరెక్షన్లో రూపొందనున్న హీరోయిన్ ఓరియెంటెడ్ మూవీ చేయడానికి గ్రీన్ సిగ్నల్ ఇచ్చింది. త్వరలోనే ఈ చిత్రం సెట్స్ పైకి వెళ్ళనుంది. ఇదిలా ఉండగా ఈషాకు ఓ తమిళ చిత్ర ఛాన్స్ దక్కిందట. ప్రముఖ సంగీత దర్శకుడు, నటుడు జీవీ ప్రకాశ్ కుమార్ హీరోగా రూపొందే చిత్రంలో ఈషాకు ఛాన్స్ వచ్చిందట. ఏజిల్ ఈ చిత్రానికి దర్శకుడు. కోలీవుడ్ లో ఈషా కు ఇది రెండవ సినిమా. గతంలో ‘ఓయ్’ అనే తమిళ చిత్రంలో నటించింది. ఇక ఈ చిత్రంతో తమిళంలోనైనా ఈ తెలుగు అమ్మాయికి మంచి పేరొస్తుందేమో చూడాలి..!