టాలీవుడ్ టాప్ హీరో ఎవరు అంటే….ఎవరికి వారి తమ అభిమాన హీరో పేరు చెప్తారు. అయితే నంబర్1 పొసిషన్ లో మాత్రం ఒక్కరే ఉంటారు….ఇక ఆ నంబర్1 పొసిషన్ ని శాసించాలి అంటే అన్ని రకాలుగాను టాప్ స్థానంలో ఉండే లాగా ప్లాన్ చేసుకోవాలి. ఇంతకీ విషయం ఏమిటంటే..టాలీవుడ్ టాప్ హీరోల్లో ఒకడైన యంగ్ టైగర్ ఎన్టీఆర్ టాలీవుడ్ ను తన నటనతో, తన రికార్డ్స్ తో శాసిస్తున్న సంగతి తెలిసిందే. ఇక అదే క్రమంలో తాజాగా విడుదలయిన జనతా గ్యారేజ్ సినిమా పుణ్యమా అని, అటు మలయాళంలో కూడా ఎన్టీఆర్ తన ప్రస్థానాన్ని ఆరంభించాడు.
ఇదిలా ఉంటే ఇప్పుడు ఎన్టీఆర్ కన్నీ తాజాగా కాలీవుడ్ పైన పడింది…అందులో భాగంగానే ఎన్టీఆర్ ఈ విషయంలో ప్రిన్స్ మహేష్ బాబుని ఫాలో అవుతున్నాడు…విషయంలోకి వెళితే…ప్రిన్స్ మహేష్ బాబు ప్రస్తుతం నటిస్తున్న చిత్రం కోలీవుడ్ డైరెక్టర్ మురుగదాస్ కాంబినేషన్ లో తెరకెక్కతుంది. దానికి కారణం డైరెక్టర్ మురుగదాస్ కి కోలీవుడ్ లో మంచి మార్కెట్ ఉండడం. దీంతో వీరిద్దరి కాంబినేషన్ లో వస్తున్న మూవీకి అటు తెలుగు, తమిళ మార్కెట్ లో భారీ బిజినెస్ అవకాశం ఉంది. దీంతో హీరోకి మార్కెట్ సైతం మరింత ఎస్టాబ్లిష్ అవుతుంది.
అదే విధంగానే ప్రస్తుతం యంగ్ టైగర్ సైతం కోలీవుడ్ డైరెక్టర్ తో పని చేసేందుకు రెడీ అవుతున్నాడు. కోలీవుడ్ టాప్ డైరెక్టర్స్ లో ప్రస్తుతం అందుబాటులో ఉన్న డైరెక్టర్ పై యంగ్ టైగర్ సమాచారాన్ని సేకరిస్తున్నాడు. అందులో భాగంగానే డైరెక్టర్ లింగుస్వామితో తారక్ కమిట్ అయ్యే ఛాన్స్ ఉందని అంటున్నారు. వీరిద్దరి కాంబినేషన్ లో ఓ మంచి యాక్షన్ కథ రానుందని తెలుస్తుంది. ఇదే జరిగితే మాత్రం ఎన్టీఆర్ కాలీవుడ్ లో సైతం తన దుమ్ము దులిపెస్తాడు అనడంలో ఏమాత్రం సందేహం లేదు. చూడాలి మరి ఏం జరుగుతుందో.
Home
