గౌతమి పుత్ర శాతకర్ణి పై ఎన్టీఆర్ ప్రశంసల జల్లు

మహానటుడు నందమూరి తారక రామారావు తెలువారి కీర్తిని నలుదిక్కులా వ్యాప్తి చేశారు. నేతగా హస్తినాపురంలో తెలుగువాడి గొంతు బలాన్ని చూపించారు. ఆయన తనయుడు నటసింహ బాలకృష్ణ గౌతమి పుత్ర శాతకర్ణి సినిమా తో మరోమారు తెలుగువారి పోరాట ప్రతిమను, రాజసాన్ని ప్రపంచానికి వెలుగెత్తి చాటారు. క్రిష్ దర్శకత్వంలో రూపుదిద్దుకున్న ఈ మూవీ అందరితో సాహో అనిపించుకుంటోంది. సంక్రాంతి కానుకగా జనవరి 12 న విడుదలయిన ఈ సినిమాని పండుగ రోజు చూసిన యంగ్ టైగర్ ఎన్టీఆర్ బాబాయ్ ని అభినందించారు.

డైరక్టర్ క్రిష్ పై ప్రశంసల జల్లు కురిపించారు. “ఇది ఒక తెలుగువాడి విజయం. తెలుగు జాతి గర్వించదగ్గ చిత్రం. చరిత్ర మరిచిన చక్రవర్తికి నీరాజనం ”  అంటూ ట్విట్టర్ లో తారక్ పోస్ట్ చేశారు. ఇదివరకు ఎన్నడూ లేనివిధంగా ఈ ట్వీట్ ని తెలుగులో టైప్ చేశారు. గౌతమి పుత్ర శాతకర్ణి చిత్రాన్ని  బాలకృష్ణ చేస్తున్నారు.. అని తెలిసినప్పటి నుంచి ఎన్టీఆర్ ఎంతో సంతోషంగా ఉన్నారు.  ఇప్పుడు ఈ మూవీ సూపర్ హిట్ కావడంతో మరింత సంబరపడిపోతున్నారు.

Also, do SUBSCRIBE to our YouTube channel to get latest Tollywood updates.