రామోజీ ఫిలిం సిటీలో ఇప్పుడు యుద్ధ వాతావరణం నెలకొంది. ఎన్టీఆర్ ప్రశాంత్ నీల్ కాంబినేషన్లో వస్తున్న సినిమా కోసం ఒక భారీ ఇంట్రడక్షన్ సీన్‌ను ప్లాన్ చేస్తున్నారు. దీనికోసం ఫైట్ మాస్టర్లు తెగ రిహార్సల్స్ చేస్తున్నారు. డిసెంబర్ మొదటి వారానికల్లా ఈ ఎపిసోడ్ మొత్తం పూర్తి చేయాలనేది టార్గెట్. ఇంత తక్కువ టైమ్‌లో, అంత భారీ సీన్ తీయడం సాధ్యమేనా? అనే సందేహాలకు చిత్ర యూనిట్ దగ్గర ఒకే ఒక్క సమాధానం ఉంది.
NTR
సాధారణంగా నీల్ యాక్షన్ ఎపిసోడ్స్ అంటే వందల మంది జూనియర్ ఆర్టిస్టులు, భారీ సెటప్స్, డస్ట్, స్మోక్ ఎఫెక్ట్స్ ఉంటాయి. ఒక్కో షాట్ పర్ఫెక్ట్ గా రావడానికి చాలా సమయం పడుతుంది. కానీ ఈసారి మేకర్స్ టైమ్ గురించి, షెడ్యూల్ గురించి అస్సలు టెన్షన్ పడటం లేదు. కారణం.. కెమెరా ముందు నిలబడేది మన “సింగిల్ టేక్ ఆర్టిస్ట్” ఎన్టీఆర్ కాబట్టి. ఎంత కాంప్లికేటెడ్ షాట్ అయినా సరే, తారక్ దాన్ని ఒక్క టేక్‌లో ఫినిష్ చేస్తారనే గట్టి నమ్మకం వారిలో ఉంది.
ఫైట్ మాస్టర్లు కంపోజ్ చేయడానికి, రిహార్సల్స్ చేయడానికి టైమ్ తీసుకున్నా, తారక్ మాత్రం పర్ఫార్మ్ చేయడానికి అస్సలు టైమ్ తీసుకోరు. ఆయన ఎనర్జీ, గ్రాస్పింగ్ పవర్ వల్ల షూటింగ్ రాకెట్ వేగంతో జరుగుతోందట. అంత భారీ యాక్షన్ సీక్వెన్స్‌ను కూడా తారక్ అలవోకగా డీల్ చేయడం చూసి సెట్‌లో అందరూ ఆశ్చర్యపోతున్నారు. అందుకే డిసెంబర్ ఫస్ట్ వీక్ డెడ్‌లైన్ పెట్టుకున్నా, అంతకంటే ముందే అయిపోతుందనే ధీమా వ్యక్తం చేస్తున్నారు.
ప్రశాంత్ నీల్ ఇచ్చే ఎలివేషన్స్, దానికి ఎన్టీఆర్ ఇచ్చే పర్ఫార్మెన్స్ తోడైతే వైబ్స్ రావడం ఖాయం. కేవలం ఇంట్రడక్షన్ సీన్ కోసమే ఇంత భారీ ప్లానింగ్ జరుగుతోందంటే, సినిమా ఏ రేంజ్ లో ఉండబోతోందో అర్థం చేసుకోవచ్చు. కేవలం ఫైట్స్ మాత్రమే కాదు, అందులో ఎమోషన్ కూడా మిక్స్ చేసి నీల్ తనదైన శైలిలో చెక్కుతున్నాడు.
