రాక్ స్టార్ దేవీ శ్రీ ప్రసాద్ యంగ్ టైగర్ ఎన్టీఆర్ కి మరోసారి అద్భుతమైన ఆల్బమ్ ఇచ్చారు. జై లవకుశతో హ్యాట్రిక్ హిట్ అందుకున్నారు. గతంలో తారక్ సినిమాలైనా నాన్నకు ప్రేమతో, జనతాగ్యారేజ్ చిత్రాలకు దేవీ సూపర్ ట్యూన్స్ ఇచ్చారు. ఈసారి బాబీ దర్శకత్వంలో ఎన్టీఆర్ మూడు పాత్రలతో విశ్వరూపం చూపించనున్న చిత్రానికి అదిరిపోయే సాంగ్స్ ఇచ్చారు. రీసెంట్ గా విడుదలయిన రావణ, ట్రింగ్ ట్రింగ్, నీ కళ్ళలోన, దోచేస్తా .. పాటలు అందరి మనసులు దోచేసుకుంటున్నాయి. ఇంతటితో ఎన్టీఆర్ ఆగిపోవడంలేదని తెలిసింది. అభిమానుల కోసం ప్రత్యేక గిఫ్ట్ ఇవ్వనున్నారు. అదే స్పెషల్ సాంగ్.
పక్కా లోకల్ పాట మాదిరిగానే ఇందులోనూ ఓ ఐటెం సాంగ్ ఉందంట. దానికి దేవీ కంపోజ్ చేసినప్పటికీ షూటింగ్ చేయలేదు. అదొక్కటే మిగిలి ఉంది. దానిని త్వరలో తమన్నా, ఎన్టీఆర్, డ్యాన్సర్లపై తెరకెక్కించనున్నారు. ఈ పాట చిత్రీకరణ అనంతరం సాంగ్ టీజర్ గా రిలీజ్ చేయనున్నట్లు సమాచారం. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ మూవీ ఈనెల 21 న థియేటర్లోకి రానుంది.
Also, do SUBSCRIBE to our YouTube channel to get latest Tollywood updates.
