కె. రాఘవేంద్ర రావు దర్శకత్వంలో నటించనున్న ఎన్టీఆర్

తెలుగు చిత్రపరిశ్రమలో మూడు తరాల హీరోలతో సినిమా తీసి విజయాన్ని అందుకున్న డైరక్టర్ కె. రాఘవేంద్ర రావు. దర్శకేంద్రుడిగా కీర్తించబడే ఈయన టాలీవుడ్ కి కమర్షియల్ చిత్ర ఫార్ములాని పరిచయం చేశారు. అడవి రాముడు, వేటగాడు, దేవత, జగదేక వీరుడు అతిలోక సుందరి, అన్నమయ్య వంటి ఎన్నో సూపర్ హిట్ చిత్రాలను తీసిన ఈయన ప్రస్తుతం కింగ్ అక్కినేని నాగార్జునతో “ఓం నమో వెంకటేశాయ” చిత్రాన్ని తెరకెక్కిస్తున్నారు.

తాజాగా దర్శక ధీరుడు యంగ్ టైగర్ ఎన్టీఆర్ కి ఓ కథ చెప్పినట్లు తెలిసింది. దర్శకేంద్రుడు ఎస్.ఎస్.రాజమౌళి గురువుగా భావించే కె.రాఘవేంద్రరావు తన కోసం స్టోరీని రెడీ చేయడంతో తారక్ చాలా ఆనంద పడ్డారట. కథ కూడా కొత్తగా ఉండడంతో వెంటనే ఒకే చెప్పినట్లు సమాచారం. “ఓం నమో వెంకటేశాయ” పూర్తి అయిన వెంటనే ఈ చిత్రం స్క్రిప్ట్ పనులు మొదలవుతాయని డైరక్టర్ సన్నిహితులు వెల్ల డించారు. అలనాడు నందమూరి తారక రామారావు, కె. రాఘవేంద్ర రావు కాంబినేషన్ కి ఉండే క్రేజ్ మాదిరిగానే వీరిద్దరి కలయికకు భారీ క్రేజ్ ఉంటుంది. అయితే ఈ కథ మాస్ మసాలానా?, సోషియో ఫాంటసీనా ? అనే సంగతి త్వరలో బయటికి రానుంది.