క్రిష్ దర్శకత్వంలో నటించాలని ఆశపడుతున్న ఎన్టీఆర్

సమాజానికి దగ్గరగా ఉండే కథలను ఎంచుకుంటూ, వాటితో మనసుకు హత్తుకునే చిత్రాలను తీస్తూ తక్కువ సమయంలోనే క్రిష్ మంచి పేరును సంపాదించుకున్నారు. నటసింహ నందమూరి బాలకృష్ణ వందో చిత్రాన్ని డైరక్ట్ చేసే అవకాశాన్ని అందుకోవడమే కాకుండా, ఆ చిత్రాన్ని జనరంజకంగా మలిచి సూపర్ హిట్ చేయించారు. అతని మెగా ఫోన్ నుంచి వచ్చిన గౌతమి పుత్ర శాతకర్ణి అన్ని వర్గాల ప్రజలను ఆకట్టుకొని కలక్షన్ల వర్షం కురిపిస్తోంది. ఈ చిత్రాన్ని చూసిన యంగ్ టైగర్ ఎన్టీఆర్ ట్విట్టర్ వేదికగా బాలయ్య, క్రిష్ లను అభినందించారు. తాజాగా తారక్ డైరక్టర్ క్రిష్ ని కలిసి సినిమాలోని గొప్పవిషయాల గురించి చర్చించినట్లు తెలిసింది.

అంతటితో ఆగకుండా ఎలాగైనా క్రిష్ దర్శకత్వంలో సినిమా చేయాలనీ తన సన్నిహితులతో రాయబారం పంపించినట్లు సమాచారం. అయితే దీనిపై క్రిష్ ఇంకా ఓ నిర్ణయం ప్రకటించలేదు. ఎందుకంటే ప్రస్తుతం అతను విక్టరీ వెంకటేష్ కోసం కథను రాసే పనిలో ఉన్నారు. ఆ తర్వాత మెగాస్టార్ చిరంజీవి తో మూవీ చేయనున్నారు. బాలీవుడ్ యాక్షన్ హీరో అక్షయ్ కుమార్ తోను సినిమా ప్లాన్ చేస్తున్నారు. ఇలా రెండేళ్ల పాటు డేట్స్ ఖాళీలేదు. అనంతరం ఎన్టీఆర్ తో మూవీ గురించి ఆలోచిస్తారు. అయితే ఈ మధ్యలోనే క్రిష్ దర్శకత్వంలో నటించాలని ఎన్టీఆర్ పావులు కదుపుతున్నారు.

Also, do SUBSCRIBE to our YouTube channel to get latest Tollywood updates.