NTRIVIKRAM: పురాణాలకి,సైన్స్ కి ముడిపెడుతూ ఎన్టీఆర్-త్రివిక్రమ్ సినిమా.. పోస్టర్లో వీటిని గమనించారా?

‘అరవింద సమేత’ తర్వాత ఎన్టీఆర్- త్రివిక్రమ్ కాంబినేషన్లో ఓ ప్రాజెక్టు అనౌన్స్ చేశారు. కానీ అది సెట్స్ పైకి వెళ్లలేదు. మళ్ళీ ఈ కాంబో ఎప్పుడు సెట్ అవుతుందా? అని అటు ఎన్టీఆర్ అభిమానులు ఇటు ఇండస్ట్రీ జనాలు ఎంతో ఆసక్తిగా ఎదురుచూశారు. ఎట్టకేలకు వారి నిరీక్షణకి తెరదించుతూ ఎన్టీఆర్- త్రివిక్రమ్..లతో ఓ ప్రెస్టీజియస్ మైథలాజికల్ ప్రాజెక్టుని అనౌన్స్ చేశారు ‘హారిక అండ్ హాసిని క్రియేషన్స్’ అధినేత సూర్యదేవర రాధాకృష్ణ.

NTRIVIKRAM

‘NTRIVIKRAM’ గా(NTRIVIKRAM) ఈ ప్రాజెక్టుని అనౌన్స్ చేస్తూ ఒక పోస్టర్ ను వదిలారు. ‘హారిక అండ్ హాసిని క్రియేషన్స్’ ఈ చిత్రాన్ని నిర్మిస్తుండగా ‘ఎన్టీఆర్ ఆర్ట్స్’ పై కళ్యాణ్ రామ్ సమర్పకులుగా వ్యవహరించనున్నాడు. ఈ మైథలాజికల్ డ్రామాకి అనిరుధ్ రవిచందర్ సంగీతం దర్శకుడిగా ఎంపికయ్యాడు.  హీరో ఎన్టీఆర్ ఈ ప్రాజెక్టు గురించి ట్వీట్ చేస్తూ.. ” ది సన్ ఆఫ్ శివ, ది సన్ ఆఫ్ పార్వతి, ది ఇటర్నల్ కమాండర్.. వన్స్ ఎగైన్ విత్ త్రివిక్రమ్” అంటూ ఎక్సైటింగ్ గా రాసుకొచ్చాడు.

ఇక ఈ పోస్టర్ ను గమనిస్తే కథపై కొంత హింట్ ఇచ్చినట్టు స్పష్టమవుతోంది. ‘మండుతున్న యుద్ధభూమి, శవాల గుట్టలు, పాతకాలపు దేవాలయాల మధ్య ఆకాశం నుండి నేలకి గుచ్చుకున్న ఒక  పెద్ద త్రిశూలం’ వంటివి పోస్టర్లో కనిపించాయి. ఆ త్రిశూలనికి మధ్యలో జన్యుశాస్త్రానికి సంబంధించిన ఆకారాన్ని జతచేశారు. వీటిని బట్టి పురాణాలకి ఆధునిక సైన్స్‌కి ముడిపెడుతూ కథని నడిపించబోతున్నాడు దర్శకుడు అని అర్ధం చేసుకోవచ్చు.

అలాగే ” ఓం న జానామి శబ్దం న జానామి చార్థం |
న జానామి పద్యం న జానామి గద్యమ్ |
చిదేకా షడాస్యా హృది ద్యోతతే మే |
ముఖాన్నిఃసరంతే గిరశ్చాపి చిత్రమ్ ||” అంటూ ఆది శంకరాచార్యులు రచించిన ‘శ్రీ సుబ్రహ్మణ్య భుజంగం’ లోని శ్లోకం కూడా సంస్కృతంలో ఉంది.

దానికి ” ఓ స్వామీ, నాకు వ్యాకరణం తెలియదు, దానికి అర్దం తెలియదు. పద్యం ఎలా ఉంటుందో తెలియదు, వచనం భావం తెలీదు. కానీ ఆరు ముఖాలు కలిగిన సుబ్రహ్మణ్య స్వామి నా హృదయంలో ప్రకాశిస్తుండటం వల్లనే నా నోటి నుండి ఇంత అందమైన సాహిత్యం తన్నుకొస్తుంది” అని అర్ధం.

‘పెద్ది’ 4వ వీకెండ్లో అక్కడక్కడా కొన్ని మెరుపులు