‘ఎన్.బి.కె’ ఫిలిమ్స్ మరియు ‘వారాహి చలన చిత్రం’ బ్యానర్ల పై నందమూరి బాలకృష్ణ, సాయి కొర్రపాటి సంయుక్తంగా నిర్మిస్తున్న ‘ఎన్టీఆర్’ బయోపిక్ ను క్రిష్ జాగర్లమూడి డైరెక్ట్ చేస్తున్న సంగతి తెలిసిందే. ‘ఎన్టీఆర్’ జీవిత ఆధారంగా తెరకెక్కుతోన్న మొదటి పార్ట్ ‘ఎన్టీఆర్-కథానాయకుడు’ ఆడియో మరియు ట్రైలర్‌ను డిసెంబర్ 21న హైదరాబాద్ లో ఫిలింనగర్ సమీపంలో ఉన్న జేఆర్సీ కన్వెన్షన్‌ హాల్ లో విడుదల చేస్తున్నట్టు నిర్మాతలు ప్రకటించారు.
అయితే ముందు ఈ వేడుకను ఎన్టీఆర్ జన్మస్థలం అయిన కృష్ణా జిల్లా నిమ్మకూరులో చేయాలని ప్లాన్ చేశారు. అయితే ‘పెథాయ్’ తుపాను కారణంగా ఈ వేడుకను హైదరాబాద్‌కు మార్చడం జరిగిందట. సంక్రాంతి కానుకగా జనవరి 9 న ఈ చిత్రాన్ని విడుదల చేయనున్నారు. ఈ చిత్రంలో ఎన్టీఆర్ పాత్రలో బాలకృష్ణ నటిస్తుండగా… ముఖ్య పాత్రల్లో విద్యాబాలన్, రానా దగ్గుబాటి, నందమూరి కల్యాణ్ రామ్, సుమంత్ తదితరులు నటిస్తున్నారు.
Home